இந்தியர்களில் 10க்கு 7 பேர், அதாவது, 70 சதவீதம் பேர் எய்ட்ஸ், ஹெச்.ஐ.வி.,பற்றி கவலைப்படுகின்றனரே தவிர, பாதுகாப்பு நடவடிக்கைகளை எடுப்பதில்லை…. 27 சதவீத இந்தியர்கள் எய்ட்ஸ், ஹெச். ஐ.வி., பாதிப்பைத் தடுக்க எந்த முயற்சியும் மேற்கொள்வதில்லை. வெறும் 15 சதவீதம் பேர் மட்டுமே ஆணுறையை உபயோகப்படுத்துகின்றனர்.”
“உலக மக்கள் தொகையில் 46 சதவீதத்தினர் இந்த நோய் பற்றியெல்லாம் கவலைப்படுவது கிடையாது. 10ல் நான்கு பேர், அதாவது, 40 சதவீதம் பேர் எந்தவித தற்காப்பு நடவடிக்கையும் மேற்கொள்வது இல்லை. “தென் ஆப்பிரிக்காவில் 81 சதவீதம், தாய்லாந்தில் 77 சதவீதம் என மற்ற நாட்டினரைவிட தற்காப்பு நடவடிக்கைகளை தீவிரமாக மேற்கொண்டுள்ளனர். 45 வயதுக்கு மேற்பட்டவர்களில் 28 சதவீதம் பேர் ஆணுறையை பயன்படுத்துவதில்லை.
இந்தியர்கள் ஓராண்டில் 76 முறை உடலுறவு கொள்கின்றனர் என்பது ஒரு ஆய்வில் தெரிய வந்துள்ளது. ஹாங்காங் நாட்டவர் 63 முறையும், சீனர்கள் 72 முறையும், அமெரிக்கர்கள் 124 முறையும், பிரிட்டனைச் சேர்ந்தவர்கள் 107 முறையும் உடலுறவு கொள்கின்றனர்.”இந்தியர்களில் 77 சதவீதம் பேர் ஒரே ஒருவரிடம் மட்டுமே உடலுறவு வைத்துக் கொள்கின்றனர். ஆனால், அமெரிக்காவில் இப்படிப்பட்டவர்கள் வெறும் 11 சதவீதம் மட்டும் தான்; பிரிட்டனில் 3 சதவீதம் பேர்.”கற்பை காப்பாற்றிக் கொள்வதில் மற்றெந்த நாட்டினரை விடவும் இந்திய பெண்கள் முதலிடத்தில் உள்ளனர் என்பது மட்டுமே மகிழ்ச்சியான செய்தி! இந்தியர்கள், முதன் முறையாக தங்களது 20.3 வயதில் தான் உடலுறவே கொள்கின்றனர். பிரிட்டனில் 16.9 வயதிலும், அமெரிக்க இளசுகள் 16 வயதிலும் முதல் அனுபவத்தைப் பெற்று விடுகின்றனர்.
“இந்திய பள்ளி மாணவர்கள் செக்ஸ் பற்றி 16 வயதில் தான் தெரிந்து கொள்கின்றனர். ஏறக்குறைய 28 சதவீத இந்தியர்களுக்கு டாக்டர்கள், நர்சுகள், குடும்பக் கட்டுப்பாட்டு அதிகாரிகள் மூலமாகத்தான் செக்ஸ், சுகாதாரம் பற்றித் தெரிய வருகிறது. 27 சதவீதம் பேருக்கு நண்பர்கள் சொல்வது தான். “பிரிட்டனில் 23 சதவீதம் பேர் தங்கள் பெற்றோர் மூலமாக செக்ஸ் பற்றித் தெரிந்து கொள்கின்றனர்; ஆனால், இந்தியாவில் இது வெறும் 6 சதவீதம் தான். “இந்தியர்களைப் பொறுத்தவரை அவர்களுக்கு மிகவும் பிடித்த காரியம் செக்ஸ் இல்லை. வேலைக்குப் போவதுதான் மிகவும் பிடிக்கும் என 30 சதவீதம் பேரும், நண்பர்களுடன் சுற்றுவதை 21சதவீதம் பேரும், “டிவி’ பார்ப்பதை 14 சதவீதம் பேரும் பிடித்துள்ளதாகக் கூறுகின்றனர். வெறும் 3 சதவீதம் பேர் மட்டுமே செக்ஸ் மிகவும் பிடித்த செயல் எனக் கூறுகின்றனர். பிரிட்டனில் இது 31 சதவீதம்.
“இந்தியர்களில் 32 சதவீதம் பேர் பீச் மணலில் உடலுறவு கொள்ள விரும்புகின்றனர். 7 சதவீதம் பேர் சமையலறையில் உடலுறவு கொள்ள விரும்புகின்றனர். “பெர்சனாலிட்டி பார்த்து மயங்குவதும் இந்தியாவில் தான் அதிகம். இது 26 சதவீதம். பேச்சு, பழக்க வழக்கம் பார்த்து 15 சதவீத பேரும், வேலையைப் பார்த்து 11 சதவீதம் பேரும் கவரப்படுகின்றனர். “உலகின் மொத்த மக்கள் தொகையில் 46 சதவீதத்தினர் ஹெச்.ஐ.வி., எய்ட்ஸ் பற்றி கவலை கொண்டதாகத் தெரியவில்லை. உலக அளவில் பாலியல் பற்றிய கல்வி அறிவை சராசரியாக 13 முதல் 19 வயதில் தான் தெரிந்து கொள்கின்றனர். ஆனால், முந்தைய தலைமுறையினரை விட தற்போதைய இளைஞர்கள் சிறிய வயதிலேயே பாலியல் பற்றி தெரிந்து கொள்கின்றனர்.
“பெரும்பாலும், ஆண்களில் 10ல் மூன்று பேர், அதாவது, 30 சதவீதம் பேரும்,பெண்களில் 10 சதவீதம் பேரும் நண்பர்களுடன் செக்ஸ் வைத்துக் கொள்ள விரும்புகின்றனர். “பெரும்பாலான நாடுகளில் உள்ளவர்கள் செக்ஸ் வைத்துக் கொள்வதை மிகவும் விரும்பினாலும், இந்தியர்களும், மெக்சிகோ இனத்தவரும் வேலை செய்வதையே விரும்புகின்றனர். தாய்லாந்து நாட்டவர் தூங்குவதையும், சீனர்கள், “டிவி’ பார்ப்பதையும் அதிகம் விரும்புகின்றனர். “உலக நாடுகளில், ஏறக்குறைய 37 சதவீதம் பேர் அடுத்தவரின் பெர்சனாலிட்டியைப் பார்த்தும், 19 சதவீதம் பேர் அழகனாகப் பார்த்தும், 11 சதவீதம் பேர் அடுத்தவரின் நகைச்சுவை உணர்வைப் பார்த்தும் ஆசை கொள்கின்றனர்… “
