தேவையான பொருட்கள்:
கோதுமை ரவை – ஒரு கப்,
புளிச்சாறு – அரை டேபிள் ஸ்பூன்,
பச்சை மிளகாய் (சிறியது) – ஒன்று,
காய்ந்த மிளகாய் (சிறியது) – ஒன்று,
இஞ்சி – சிறிய துண்டு,
தேங்காய் துருவல் – சிறிதளவு,
பெருங்காயத்தூள் – கால் டீஸ்பூன்,
கறிவேப்பிலை – சிறிதளவு,
கடுகு – அரை டீஸ்பூன், உளுத்தம்பருப்பு – அரை டீஸ்பூன்,
கடலைப்பருப்பு – அரை டீஸ்பூன்,
எண்ணெய் – 2 டேபிள்ஸ்பூன்,
உப்பு – தேவையான அளவு.
செய்முறை:
• கோதுமை ரவையை சிறிதளவு எண்ணெயில் வறுத்து ஆற விட்டு மிக்ஸியில் ஒரு சுற்று சுற்றி எடுக்கவும்.
• அடுப்பில் கடாயை வைத்து, இரண்டு டீஸ்பூன் எண்ணெய் விட்டு காய வைத்து, கடுகைப் போட்டு வெடித்ததும் கடலைப்பருப்பு, உளுத்தம்பருப்பு, காய்ந்த மிளகாய், பெருங்காயத்தூள் சேர்த்து சிவக்க வறுக்கவும்.
• இதனுடன் கீறிய பச்சை மிளகாய், பொடியாக நறுக்கிய இஞ்சி சேர்த்து வதக்கவும்.
• பின்னர் 3 கப் நீர், புளிச்சாறு, உப்பு சேர்த்து கொதிக்கவிடவும்.
• அடுப்பை ’சிம்’மில் வைத்து, கோதுமை ரவையை சிறிது சிறிதாக சேர்த்துக் கிளறவும்.
• மீதமுள்ள எண்ணெயையும் ஊற்றி சிறிது தளற ஆனதும், தேங்காய்த் துருவல் சேர்த்து, கறிவேப்பிலையை கிள்ளிப் போட்டு கிளறவும்.
• பிறகு அடுப்பை அணைத்து, 10 நிமிடத்துக்குப் பின்னர் பரிமாறவும். இதற்கு, தக்காளி சட்னி உகந்தது.
