ஆண்குறி

ஆண்குறி மூன்று மெத்தை போன்ற இணை உருண்டைத் திசுக்கள் கொண்ட உறுப்பாகும். ஆண்குறியின் அடியில் ஓர் உருளைத்திசு அமைப்பும் மேல் பகுதியின் இரு திசு அமைப்புக்களும் உள்ளன. இவற்றின் இடையே சிறுநீர்க்குழாய் அமைந்திருக்கிறது. குறியானது விரைப்புத்தன்மை அடைந்த நிலையில் அடிப்புற உருளை ஒரே நேர்க்கோட்டில் இருப்பது போலத் தோன்றும். மெத்து மெத்தென்ற அமைப்பில் இரு புறமும் அமைந்துள்ளன.

இந்த மூன்று உருளைகளிலும் மெத்து மெத்தென்ற திசுக்கள் உள்ளன. அவற்றின் உள்ளே ஏராளமான நுண்ணிய ரத்தக்குழாய்கள் செல்கின்றன. கிளர்ச்சியுற்ற நிலையில் ரத்தம் நிறையப் பாய்வதால் திசுக்கள் உப்பி குறி விரைக்கிறது. குறி முழுவதும் ஓடும் ஏராளமான நரம்புகள் தொடவும், அழுத்தவும் படும்போது எளிதில் கிளர்ச்சியுறும் விதத்தில் அமைந்துள்ளது.

ஆண் குறியின் நுனி அல்லது தலைப்பகுதி நுரை மெத்தை போன்றது. இதில் ஏராளமான நரம்பு நுனிகள் உள்ளன. இது மிக உணர்வுள்ள பகுதி. ஆண் குறியின் நடுப்பகுதியை விட தலையில் தான் உணர்வலைகள் மிகுதியாக இருக்கும். தலைக்கும் இடைப்பகுதிக்கும் இடையே உள்ள திசுக்களின் வளையமும் தலையோடு முன் தோலைக் கீழ்ப்பகுதியில் இணைக்கும் தோலும் மிக நுண்ணிய நரம்பு நுனிகளைக் கொண்டவை. இவற்றிலும் உணர்வலைகள் அதிகமாக இருக்கும்.

ஆண் குறியின் தலைப்பகுதியை நேரடியாகத் தூண்டுவதை விட நடுப்பகுதியை உராய்வதிலோ மேலும் கீழுமாக இழுப்பதிலோ தான் ஆண்கள் அதிக இன்ப உணர்வை அனுபவிக்கிறார்கள். தலைப்பகுதி நேரடியாகத் தூண்டப்படும் போது சில சமயம் வலயும், எரிச்சலும் ஏற்படும். ஆண் குறியின் மேல் தோல் மேலும் கீழும் நகரக் கூடியது. முன்தோலில் தொற்றுநோயோ, காயமோ இருந்தால் புணர்ச்சியின் போது வலி எடுக்கும் சிலருக்கு முன்தோல் கழன்று பின்னே போகாமல் வலி எடுக்கும். இதற்கு அறுவை சிகிச்சை உண்டு. ஆண்கள் தினமும் முன்தோலை நீக்கிக் குறியை நன்கு சுத்தம் செய்ய வேண்டும். சுன்னத் முறை மூலம் முன்தோலை நீக்கி விட்டால் இந்த வேலை சுலபமாகி விடும்.

முன் தோல் நீக்கும் இந்த அறுவை சிகிச்சையை யூதர்களும், முஸ்லீம்களும் செய்து கொள்கின்றனர். இது அந்த மதத்தினரின் தலைவரான ஆபிரகாம் கடவுளுடன் செய்து கொண்ட ஒப்பந்தத்தின் படி நடப்பதாகக் கருத்து. அமெரிக்காவில் மதம் சம்பந்தப்பட்ட சடங்காக இது நடை பெறுவது கிடையாது. கனடா, மற்றும் ஐரோப்பாவில் இந்த முறை பிரபலம் அடையவில்லை. இந்த முறை சுகாதாரமானது. காரணம், இதனால் தொற்றுநோய்கள் தாக்கும் வாய்ப்பு குறைகிறது. ஆனால் இதன் காரணமாக ஆண் குறியின் உணர்வாற்றல் குறைவதாகவும் சிலர் எண்ணுகின்றனர் என்பது ஒரு கருத்து. இதனால் நீண்ட நேரம் உடலுறவில் ஈடுபட முடியும் என்பது இன்னொரு சாரர் கருத்து. ஆனால் இவை அனைத்தும் அறிவியல் அடிப்படையிலான உண்மைகள் அல்ல என்பதை நினைவில் நிறுத்திக் கொள்ள வேண்டும்.

ஆண் குறிகள் ஆணுக்கு ஆண் மாறு படும். நிறம்,. அளவு, வடிவம், முன் தோல் இருத்தல் அல்லது நீக்கப்பட்டிருத்தல், ஆகியவற்றில் வேறுபாடுகள் உண்டு. சராசரி ஆண்குறி 9.5 செ.மீ. நீளம் இருக்கும். நீண்ட ஆண்குறிகளைக் காட்டிலும் சிறிய ஆண் குறிகளில் நிறைய ரத்தம் பாய்ந்து விரைத்த நிலையில் இரண்டு வகையும் ஏறக்குறைய ஒரே நீளம் அடைய வழி செய்கின்றன.

பெரிய அல்லது நீண்ட ஆண்குறியே பெண்ணைப் புணரும் போது திருப்தி அடையச் செய்யும் என்பது வெறும் நம்பிக்கை மட்டும் தான். ஆனால் எத்தனை சிறிய ஆண் குறியும் பெண்ணுக்குப் பொருந்தும் என்பது தான் உண்மை. காரணம் பெண் குறியின் நுழை வாயிலில் ஏராளமான நரம்பு நுனிகள் உள்ளன.

அபூர்வமாகச் சிலருக்கு 2 செ.மீ. நீளத்துக்கும் குறைவான ஆண் குறி அமைந்து விடுவதுண்டு. இது இயற்கை செய்யும் குரோமோசோம் கோளாறு. ஒரு வேளை ஆண் சுரப்பான டெஸ்டோஸ்டீரான் என்ற ஹர்மோன் மிகக் குறைவாகச் சுரப்பதால் இந்த நிலை உருவாகலாம். ஆனால் பிற எந்தக் காரணங்களாலும் குறி சிறுத்துப் போயிருந்தால் அதைப் பெரிதாக்க எந்த மருந்தும், களிம்பும், மாத்திரையும் பயன் தராது. ஒன்றை மட்டும் நினைவில் கொள்ள வேண்டும்.

அதாவது சிறிய ஆண்குறியால் எந்தப் பெண்ணையும் திருப்திப் படுத்த முடியும். ஆனால் நமக்கு மிகச்சிறிய குறி நம்மால் பெண்ணைத் திருப்திப் படுத்த முடியாது என்று நினைத்துக் கொண்டே இருந்தால் நிச்சயம் பின்நாளில் மன ரீதியான பாதிப்புக்குள்ளாகி ஆண்மைக்குறைவு ஏற்படும் வாய்ப்பு உண்டு.ஆண் குறியின் அடிப்பகுதியில் இருக்கும் விதைப்பை மிகவும் மெல்லிய உறுப்பு. இதன் மேல் பகுதியில் மயிர் வளர்ச்சி காணப்படும். இதன் உள்ளே டெஸ்டிகிள் எனப்படும் விதைகள் சிப்பிக்குள் முத்துப் போல அமைந்துள்ளன. இந்த உறுப்பு வெப்பம், குளிர்ச்சி, கிளர்ச்சி மற்றும் பயிற்சி போன்றவற்றால் சுருங்கவோ, விரியவோ செய்யும். வெப்பக் காலத்தில் நெகிழ்ந்து தொங்கிய நிலையில் காணப்படும். குளிரில் இறுகிச் சுருங்கி மிகச் சிறியதாகக் காணப்படும். இது தான் விதைகளின் வெப்பம் பாதுகாக்கப்பட முக்கியக் காரணம்.

பொதுவாக ஒரு மனித உடலில் இருக்கக் கூடிய வெப்ப நிலை அதிகம். அந்த வெப்ப நிலையில் விதைப்பைகள் நன்றாகச் செயல் பட முடியாது. அதனால் தான் விதைப்பைகள் உடலுக்கு வெளியே தனியாகத் தொங்கிய நிலையில் இயற்கையாகவே அமைந்துள்ளது.

ஆண் விதைகள் இரண்டு. அவை விதைப்பையில் உள்ளே பக்கத்திற்கு ஒன்றாக உள்ளன. ஒரு விதை மற்றொன்றைக் காட்டிலும் கீழே தொங்கும். பெரும்பாலும் இடது விதை கீழே இருக்கும். இடது கைப்பழக்கம் உள்ளவர்க்கு வலது விதை கீழே இருக்கும். சிலர் புணர்ச்சியின் போது விதைகளை வருடினாலோ பிசைந்தாலோ அதிகக் கிளர்ச்சி அடைவார்கள். இன்னும் சிலர் அப்படி எதுவும் கிளர்ச்சி அடைய மாட்டார்கள். அது அவர் அவர் உடல் அமைப்பைப் பொறுத்தது ஆண் குறியின் அடிப்பகுதியில் அமைந்துள்ள விதைகளுக்கு இரண்டு தொழில்கள். ஒன்று ஆண் ஹர்மோனைச் சுரக்கிறது.
இன்னொன்று உயிரணு உற்பத்தி. டெஸ்டோஸ்டீரான் என்னும் ஆண் ஹர்மோனைச் சுரப்பது விதைகளே. ஆணுக்குரிய கிளர்ச்சியை இந்த ஹர்மோனே நிர்ணயம் செய்கிறது. இந்த ஹர்மோன் இல்லையேல் ஆண்மை இல்லை.விந்து விதையில் உள்ள குழாய்களில் உற்பத்தியாகிறது. இந்தக் குழாய்கள் 500 மீட்டர் நீளமுள்ளவை. உயிரணு உற்பத்தியாக 70 நாட்கள் ஆகும்.

ஒரு விந்தணு மூன்று பாகங்களைக் கொண்டது. தலை, இடை, வால் என்பது அந்த மூன்று பகுதிகள். இதன் தலைப்பகுதி அக்ரோசோம் எனப்படுகிறது. இங்கு தான் இதன் ஆற்றல் சேமித்து வைக்கப்பட்டிருக்கும். இதனால் தான் விந்தணு நீந்திச் சென்று கரு முட்டையை அடைய முடிகிறது. விந்தணுக்கள் உற்பத்தியானதும் பல வாரங்கள் விதைகளின் பிற்பகுதியில் உள்ள சுருண்ட குழாய்களில் தங்கி இருக்கும். அவை முதிர்ச்சி அடைந்த பிறகு விதையில் உள்ள குழாயிலிருந்து புறப்பட்டு ப்ரோஸ்டேட் எனப்படும் விந்துப்பையின் உள்ளே சென்று தங்கும். விதையிலிருந்து புறப்படும் 40 சென்டி மீட்டர் நீளமுள்ள வாஸ்டெபரன்ஸ் என்ற நீண்ட குழாயை வெட்டுவதன் மூலம் தான் ஆண் கருத்தடை செய்யப்படுகிறது.

இந்த விந்துப்பையானது சிறுநீர்ப்பைக்குக் கீழே அமைந்துள்ளது. இரண்டுக்கும் இடையில் உள்ள தசை அமைப்பு சிறுநீர் கழித்தலும் விந்து வெளியேற்றமும் ஒரே சமயத்தில் நேரா வண்ணம் தடுக்கிறது. ரெக்டம் எனப்படும் குதம் விந்துப்பையின் பின் புறத்தில் அமைந்துள்ளது. ஆகவே ரத்தப்பரிசோதனை செய்யும் போது விந்துப்பையையும் பரிசோதனை செய்யலாம்.

விந்துப்பை ஒரு விதத் திரவத்தை உற்பத்தி செய்கிறது. இந்தத் திரவத்தின் ஊடே தான் விந்தணுக்கள் உச்சக்கட்ட இன்ப நிலையின் போது பெண் குறியின் உள் பீய்ச்சி அடிக்கப்பட்டுக் கருப்பையைச் சென்று அடைகிறது. விந்துப்பையானது குறைந்தது 30 சதவிகிதம் தான் விந்தை உற்பத்தி செய்யும். மற்ற 70 சதவிகிதம் விந்து நீர்க்குழாயில் உற்பத்தி செய்யப்படுகிறது. ஒரு முறை வெளியாகும் விந்து ஒரு தேக்கரண்டி அளவு (5.மில்லி) ஆகும். ஒரு மில்லி மீட்டர் விந்தில் 4 முதல் 12 கோடி விந்தணுக்கள் உண்டு. அதாவது ஒரு முறை வெளியிடும் விந்தில் 12 முதல் 60 கோடி விந்தணுக்கள் உள்ளன.

ஒருவன் ஒரு முறை பாய்ச்சும் விந்தணுக்களைக் கொண்டு 60 கோடி மக்கள் தொகையை உருவாக்க முடியும் எனக் கற்பனையில் நினைத்துப் பார்க்கவே இயற்கையின் அற்புதத்தை நம்மால் உணர முடிகிறதல்லவா? விந்தின் நிறம் வெள்ளை அல்லது மஞ்சள். அல்லது சாம்பல் ஒட்டக்கூடிய வழவழப்பான திரவம் அது. வெளியாகும் போது கெட்டியாக இருக்கும். வெளி வந்த பிறகு நீர்த்துப் போய்விடும். அதில் தண்ணீர், சளி போன்ற திரவம், ரசாயானப் பொருட்கள், (விந்தணுக்களுக்கு ஆற்றல் தரும் ரசாயனப் பொருட்களும் இதில் அடக்கம்.) ஆண் குழாய்களிலும், பெண் குழாய்களிலும் உள்ள அமிலங்களை எதிர்த்து உயிர் வாழக்கூடிய ரசாயனமும் இதில் உள்ளது.

மன்மதச் சுரப்பிகள் எனப்படும் பட்டாணி அளவில் உள்ள அமைப்புக்கள் சிறுநீர்க்குழாயின் பின்புறத்தில் ப்ரோஸ்டேட் சுரப்பிகளுக்கு அடியில் காணப்படுகின்றன. அவை சுரக்கும் திரவமானது கிளர்ச்சியின் போது உச்சக்கட்டத்திற்கு சற்று முன்னர் ஆண் குறியின் நுனியில் வந்து பனி நீர்த்திவலைகள் போல இருக்கும்.

ஆனால் பெரும்பாலானோர் இதைக் கண்டதே கிடையாது என்பது தான் உண்மை. இன்னும் ஒரு சிலருக்கு ஒரு கரண்டி அளவு கூட வெளியில் கொட்டுவதும் உண்டு. இந்தத் திரவத்தை நாம் சாதாரணமாக நினைக்கக்கூடாது. காரணம் இந்தத்திரவத்தின் வழியாகவும் விந்தணுக்கள் வந்து அபூர்வமாகக் கருப்பிடிக்கச் செய்யும் வாய்ப்புகள் உண்டு. எனவே இதில் அலட்சியம் கூடாது. குழந்தை பெற்றுக்கொள்ள விரும்பாத ஒரு சில ஆண்கள் உடலுறவின் போது விந்தைப் பெண் குறியின் உள்ளே செலுத்தக்கூடாது என்று மட்டும் கருதி விந்து வரும் வரை பெண்குறியின் உள்ளேயே ஆண் குறியை வைத்திருப்பார்கள். விந்து வரும் போது மட்டுமே குறியை வெளியே எடுத்து விடுவார்கள். ஆனால் இது தவறு. காரணம் ஏற்கனவே வந்த திரவத்தின் வழியாக ஒரு சில நேரங்களில் விந்தணுக்கள் சென்று கருப்பையை அடையக்கூடும் என்பதை மறந்து விடக்கூடாது. உடலுறவில் உச்சக்கட்டம் என்பது தான் முக்கியம். ஒரு இனம் புரியாத கிளர்ச்சிகளின் தொகுப்பு என்று கூறலாம். சில சமயங்களில் இந்த உணர்வலைகளில் உடல் முழுதும் சூடேறிப்போகும். சில சமயங்களில் அங்கமெல்லாம் சிலிர்த்துச் சிவந்து விடும். சில சமயம் உரக்கக் கத்திக் கதற வேண்டும் போலிருக்கும்.

சில சமயம் சப்த நாடிகளும் அடங்கி ஒடுங்கிப் போய் சத்தமே இன்றி மூர்ச்சையாகிப் போகும் நிலை வரலாம். இப்படி இதற்கு விளக்கம் எத்தனை தான் சொன்னாலும் தீராது. முடிவும் கிடையாது. பூமியில் கண்ணுக்குத் தெரியாத உயிரிகள் முதல் மனிதன் வரை இதற்குள் கட்டுப்பட்டுக் கிடப்பதிலிருந்தே இந்த உச்சக்கட்டத்தின் மகிமையைப் புரிந்து கொள்ளலாம் அல்லவா?அவரவருக்குத் தோன்றும் விதத்தில் பலவாறு இந்த உச்சக்கட்ட நிலையானது விவரிக்கப்படும். உதாரணமாக, அந்தக் கட்டத்ததை நெருங்கும் முயற்சியிலேயே பாதி வேடிக்கை முடிந்து விடுகிறது. மீதி வேடிக்கை அத்தனை சிறப்பாக இல்லை…* இது ஒருவரின் மதிப்பீடு.

உணர்வுகளின் உச்சக்கட்டம் ஒரே மாதிரியானது தான். அதாவது தொடுதல், முத்தமிடுதல், கட்டி அணைத்தல், தழுவுதல், புணர்தல், சுய இன்பம் அனுபவித்தல், திரைப்பம் மூலமோ, புத்தகங்கள் மூலமோ, அல்லது கற்பனை மூலமோ இப்படிப் பலவாறு உச்சக்கட்டம் எட்டப்படுகிறது. இது போலப் பல வகைகளில் உச்சக்கட்டத்தை அடைந்தாலும் உடல் அதற்கு ஒரே விதமாகத் தான் அனிச்சையாகப் பலன் கொடுக்கிறது என்பது தான் உண்மை…

ஆண்குறியின் நீளத்தைப் பற்றிப் பார்க்கலாம். ஐந்து வயதாகும் ஒரு சிறுவனின் ஆண்குறி சுமார் 2 அங்குல நீளம் இருக்கும். இது அவனது பருவ காலம் வரை கவனிக்கத்தக்க வளர்ச்சி எதுவும் அடைவதில்லை. அவனது 15 வயதிலிருந்து ஆண்குறியின் நீளம் அதிகரிக்க ஆரம்பிக்கிறது. இது 20 அல்லது 21 வயதில் நின்று விடுகிறது. அப்பொழுது சாதாரண நிலையில் 3 அங்குலமும் விறைத்த நிலையில் ஐந்து அல்லது ஆறு அங்குலம் இருக்கலாம். 2007ல் ஒரு பல்கலைக் கழகத்தால் நடத்தப்பட்ட ஒரு ஆய்வில் 5000 ஆண்களின் (வயது 16 முதல் 60 வரை) ஆண்குறி நீளம் கணக்கிடப்பட்டது. அந்த ஆய்வின் முடிவின் படி விறைத்த ஆண்குறியின் சராசரி நீளம் 5 முதல் 6 அங்குலமே. சராசரி என்பதன் மூலம் இதில் 4” முதல் 10” வரையுள்ள ஆண்குறிகளும் அடங்குகின்றன. எனவே விறைத்த நிலையில் 4 அங்குலம் முதல் உள்ள ஆண்குறிகள் எல்லாமே ஏற்றவையே. ஆனால் பல ஆண்கள் தனது ஆண்குறி சிறிதாக உள்ளதாக அவர்களாக் க்ற்பனை செய்து கொண்டு கவலைப் படுகிறார்கள். 2005ல் 52041 ஆண்கள் மற்றும் பெண்களிட்த்தில் நேரடியான ஆய்வு செய்து, Lever, J., Frederick, D. A., Peplau, என்ற மருத்துவ வல்லுநர்களால் வெளியிடப் பட்ட “Does Size Matter? Men’s and Women’s Views on Penis Size Across the Lifespan” என்ற நூலில் கண்டுள்ள ஆய்வு முடிவின்படி, சராசரி நீளக் குறியுடன் இருந்த ஆண்களில் 45 சதவிகித்த்தினர் தமது ஆண்குறி நீளம் குறைவு என்ற மனப்பான்மையுடன் இருக்கின்றனர். ஆனால் பெண்களில் 80 சத்விகித்த்தினர் சராசரி நீளம் (5”) உள்ள ஆண்குறி தங்களுக்கு பூரண சுகம் அளித்துள்ளதாகத் தெரிவித்துள்ளனர். எனவே ஆண்குறியின் நீளம் குறித்து ஆண்கள் வீண் பயத்தில்தான் உள்ளனர் என்பது மேற்கண்ட ஆய்வுலிருந்தும் தெரிகிறது. உங்கள் ஆண்குறி 4 அங்குலமோ அல்லது 12 அங்குலமா என்பது ஒரு பொருட்டல்ல. அதை எப்படி உபயோகித்து அவளுக்கு சுகமளிக்கிறீர்கள் என்பதே முக்கியம்.

அவளுக்கு மிகவும் உணர்ச்சியூட்டக்கூடிய இடங்கள் அவளது பருப்பு மற்றும் ‘வல்வா’ என்றழைக்கப்படும் புழையினைப் பொருத்தவரை அதன் விளிம்பில் உள்ள உள் உதடுகளும் ஓட்டையின் ஆரம்பத்தில் உள்ள முதல் ஒரு அங்குலம் மட்டுமே தூண்டப்பட்டு உணர்ச்சி அடைகிறது. ஓட்டையில் மிகுந்துள்ள புழை வெறும் தசைச் சுவர் மட்டுமே. எனவே ஒரு பெண்ணின் பருப்பையும், ஓட்டையின் முதல் அங்குலத்தையும் உணர்ச்சியூட்ட ஒரு 4 அங்குல ஆண்குறியே போதுமானது. எனவே அதிகமான நீளம் உடைய ஆண்குறிதான் பெண்ணிற்கு அதிக சுகம் தரும் என்று நீங்கள் நினைத்தால் அது முற்றிலும் தவறு. இன்னும் சொல்லப் போனால் மிக அதிகமான நீளமுடைய ஆண்குறி(12”) ஓக்கும் போது பெண்ணின் புழையையும் கடந்து அவளது கர்ப்பப்பையை தாக்கும் போது உண்மையில் பெண்ணிற்கு வலிதான் உண்டாகும். எனவே ஆண்கள் தமது ஆண்குறியின் நீளம் குறித்து வீணான கவலைப்பட்த் தேவையில்லை. அது போல நார்மலாக இருக்கும் ஆண்குறியின் நீளத்தை அதிகப் படுத்த வழிகள் இல்லை!. காம எண்ணத்துடன் ஆண்குறியைக் கையால் உருவிக் கொடுத்து மசாஜ் செய்வது விறைப்புத் தன்மையைத் தூண்டிவிட்டு அதனால் விறைப்பு நீளம் அந்த நேரத்திற்கு அதிகமாகும்.

இது தவிர, “micro penis“ என்ற ஒரு மருத்துவப் பெயர், விறைத்த ஆண்குறி 2 அங்குலத்திற்கும் குறைவாக உள்ள நிலையில் குறிப்பிடப்படுகிறது. இந்நிலைக்கு தகுந்த ஒரு மருத்துவரிடம் தகுந்த ஆலோசனை செய்வதே சிறந்த்து.

அடுத்து ஆண்குறியின் விறைக்கும் தன்மை. பருவ வயதைத் தாண்டிய ஒரு ஹெல்த்தியான ஆணுக்கு காம எண்ணங்கள் தோன்றும் போது ஆண்குறி விறைக்க ஆரம்பிக்கிறது. இது எந்த வயது வரை நிகழ்கிறது என்பது இன்னும் முடிவாக்கப்படவில்லை!. ஆண்குறி விறைப்பு அடையும் தன்மை வேறு சில சூழ்நிலைகளால் பாதிக்கப்படுகிறது. மிக அதிகமான குளிரில் இருக்கும் போது விறைப்பு ஏற்படாமால் இருக்கலாம். இது தவிர மன உளைச்சல், கோபம், அதிர்ச்சி ஆகியனவற்றால் ஆண் பாதிக்கப்பட்டிருக்கும் பொழுதும் விறைப்புத் தன்மை பாதிக்கப் படலாம். ஆக ஆண்குறி விறைப்பது முழுக்க முழுக்க மனநிலையைச் சார்ந்ததே. உடல்நலம் பாதிக்கப்பட்டிருந்தால், குறிப்பாக காய்ச்சல், வயிற்றுப் போக்கு, வயிற்று வலி முதலியன இருந்தால் ஆண்குறி விறைப்பதில் பிரச்சினை ஏற்படுகிறது. மற்றொன்று, ஒரு பாதுகாப்பற்ற சூழ்நிலையில், பயத்துடன் அல்லது வன்முறையில் யாரையாவது முயலும் போதும் இவ்வாறு நேரலாம். மேற்சொன்ன காரணங்கள் தவிர இதர நிலைகளில் ஆணுக்கு விரைப்பு ஏற்படுவதில் எந்தப் பிரச்சினையும் வராது.

ஆனால், பல்வேறு காரணஙகளால் “erectile dysfunction” என்ற நோய்க்குறி, பெரும்பாலும் வயதானோர்க்கு ஏற்படலாம். அப்பொழுது என்ன செய்தாலும் சுன்னி எழும்பாது. அவ்வாறாயின் தகுந்த ஒரு மருத்துவரிடம் தகுந்த ஆலோசனை செய்வதே சிறந்தது. இந்நிலைக்கு முற்றிலும் எதிராக சில ஆண்களுக்கு ஆண்குறி எவ்வளவு நேரம் செய்தாலும் விறைப்பு குறையாமல் அப்படியே இருக்கும். இது ஒன்றும் மகிழ்வளிக்க கூடிய ஒரு விஷயம் அல்ல. விறைப்பு குறையாமால், செமனும் வராமல் எவ்வளவு நேரம் தான் செய்து கொண்டிருக்க முடியும். இது ஆணுக்கும் பெண்ணுக்கும் இன்பத்திற்குப் பதிலாக எரிச்சலையும் துன்பத்தையுமே தரும். இந்நிலைக்கு “Priapism” என்று பெயர். இதற்கும் தகுந்த மருத்துவ ஆலோசனை ஒன்றே வழி.

அடுத்து நேரம். ஒரு பெண்ணை செய்வது என்பது அவள் இதழில் முத்தமிடுவதில் ஆரம்பித்து அவள் பெண்குறியில் செமனை விடுவதில் முடிகிறது. ஐந்து முதல் ஆறு அல்லது ஏழு நிமிடத்திற்கு மேல் தாக்குப் பிடிக்க இயலாது. ஆண்குறி செமனைப் பீறிட்டு அடித்து விடும். ஆல்ஃபிரட் கின்ஸே என்ற புகழ்பெற்ற செக்ஸ் வல்லுநரின் ஆய்வின் படி 75% ஆண்கள் ஆரம்பித்த 10 நிமிடங்களுக்குள் உச்ச நிலை அடைந்து விடுகிறார்கள். இதுதான் நிதர்சனமான உண்மை.

ஆனால் சிலருக்கு ஆண்குறியை வைத்த ஓரிரு நிமிடங்களுக்குள் விந்து வந்து விடும். இன்னும் சிலருக்கு பெண்ணைப் பார்த்த் உடனே விந்து வெளியாகி விடுவார்கள். இதனை விந்து முந்துதல் எனக்குறிப்பிடுகிறார்கள். இதுவும் பெரும்பாலும் மனநிலை சம்பந்தப் பட்ட்தே. அதீதமான காம உணர்வுடன் பெண்ணை அணுகுவது, முதன் முதலாக ஒரு சந்தர்ப்பம் அமைவது போன்ற சந்தர்ப்பங்களில் இவ்வாறு நேரலாம். நுழைத்ததிலிருந்து செமன் வருவது வரை உள்ள நேரத்தை intravaginal ejaculation latency time எனக் குறிப்பிடுகிறார்கள். இந்த நேரத்தை அதிகரிக்க “நிறுத்தி ஆரம்பி” என்ற நடைமுறையைக் கடைப்பிடிக்கலாம். அதாவது பெண்ணின் குறியில் வேகம் வேகமாக செய்துகொண்டிருக்கும் போது சில நிமிடங்கள் அப்படியே நிறுத்திவிட்டு, முத்தம் கொடுப்பது முலையைப் பிசைவது போன்று எதாவது செய்து விட்டு, சில நிமிடங்கள் கழித்து திரும்ப ஆரம்பிக்கலாம். அதன் மூலம் விந்து வரும் நேரத்தைக் கட்டுப் படுத்தலாம். இந்த நேரம் மேலே சொல்லப்பட்ட மனம் சார்ந்த காரணங்கள் இல்லாமல் எப்பொழுதுமே இவ்வாறு நேர்கிறது என்றால், வெட்கப்படாமால் ஒரு மருத்துவரை அணுகி ஆலோசனை பெறலாம். (மற்றொன்று தெரியுமா, வழக்கமாக சுயஇன்பம் செய்துவரும் ஆண்களுக்கு இக்குறைபாடு ஏற்படுவதில்லை. ஏன் என்றால் சுய இன்பம் செய்யும் பொழுது அவர்கள் அனுபவித்து, மெதுவாக கற்பனையில் மிதந்தபடி செய்வதால் அதே மனநிலையுடன் செய்யும் பொழுது நேரம் அதிகரிக்கிறது!

எனவே உங்கள் ஆண்குறி குறித்து சரியாகப் புரிந்து கொள்ளுங்கள். தவறான கண்ணோட்டத்தை விடுங்கள். மற்றுமொன்று, பெண்களை விட ஆண்களே இது போன்ற கண்ணோட்டத்துடன் வீண் பயமும் கவலையும் இந்தக் காலத்திலும் அடைந்து வருகின்றனர். இவர்களைக் குறி வைத்தே பல செக்ஸ் வைத்தியர்கள், ஒவ்வொரு ஊரிலும் லாட்ஜில் ரூம் போட்டு இவர்களின் பர்சைக் குறி வைத்துக் காத்திருக்கிறார்கள். ஆண்களின் செக்ஸ் பற்றிய அறியாமையைப் பயன்படுத்தி இவர்கள் பணம் பறிப்பதை மட்டுமே செய்து வருகிறார்கள். ஒரு டிவி சேனலில் ஒரு செக்ஸ் வைத்தியர் ஆண் சுய இன்பம் செய்வதை கொலைக்குற்றம் போல சித்தரித்து வருகிறார். அதை நம்பவும் நம்ம ஆட்கள் இருக்கிறார்கள்.இப்படி சில போலியான செக்ஸ் ஆலோசகர்கள் உள்ளனர். அவர்களைத் தவிர்ப்பது உங்கள் நலத்திற்கும் நல்லது. மணிபர்சிற்கும் நல்லது.

சாதரணமாக ஆண்குறியின் மொட்டை முன் தோல் மூடியே இருக்கும். இது பெண்ணின் குறியில் நுழையும் போது பின்புறமாக வழுக்கி விலகிக் கொண்டு ஆண்குறி மொட்டு பெண்குறியில் குத்துவதற்கு வழி செய்யும். ஆனால் ஆண்களில் மிகச் சிலருக்கு இந்த முன் தோல் பின்புறமாக பிதுக்கிக்கொள்ளாமல் டைட்டாக மொட்டை மூடிய படியே இருக்கும். யூரின் மற்றும் செமன் வருவதற்கான திறப்பு இருந்தாலும் முன் தோல் பின்னுக்கு புழுத்த முடியாமல் இருக்கும். இதற்கு “phymosis” என்று பெயர். இப்படி இருந்தால் நிறைவாக செய்ய முடியாது. ஆனால் இந்நிலைக்கான அறிகுறி ஆணின் சிறு வயதிலேயே தெரிந்து விடும். அல்லது ஆண் பருவமடைந்து (?) முயற்சிக்கும் போது நிச்சயமாகத் தெரிந்து விடும். அப்பொழுதே சங்கோஜப்படாமல் தன் பெற்றோரிடம் இதனை சொல்லியிருக்க வேண்டும். இந்த நிலையை சுன்னத் செய்வது போல “circumcision” என்ற ஒரு சிறு அறுவை சிகிச்சை மூலம் சரிபடுத்தி விடலாம். முஸ்லீம் சமூகத்தினர் தமது மதம் சார்ந்த ஒரு கடமையாகவே ஆண்களுக்கு சிறு வயதிலேயே சுன்னத் மூலம் முன் தோலை சரி செய்து விடுகின்றனர். எனவே இவர்களுக்கு பின்னர் இந்நிலை ஏற்படுவதில்லை. இக்குறை உள்ள ஆண்கள் எவ்வித்த் தயக்கமும் இன்றி ஒரு சர்ஜனை அணுகி இச் சிகிச்சைக்கு உடன் படுவதே சரியான வழியாகும். திருமணம் வரை இதை வெளியில் சொல்லாமல் இருந்து விட்டு அதன் பின் மணப்பெண்ணே தன் கணவனை டாக்டரிடம் அழைத்து வந்த சம்பவங்கள் உண்டு. நான் முன்பே சொன்னது போல “erectile dysfunction” என்ற விறைப்புத் தன்மைக் குறைபாட்டினுக்கு வயகரா போல “Edegra 100 mg” என்ற மாத்திரை இந்தியாவில் கிடைக்கிறது.

ஆனால் இதன் பக்க விளைவுகள் அதிகம் என்பதால், முக்கியமாக ஹைபர் டென்ஷன், ப்ளட் பிரஷர், இதய நோய்கள் உள்ளோர் இவற்றை மருத்துவரின் ஆலோசனை இன்றி பயன்படுத்துவது முறையற்றது என்பதோடு எதிர் விளைவினையும் உருவாக்கலாம். இந்த 23ரூபாய் மதிப்புள்ள மாத்திரையை வெல்லக்கழிவோடு சேர்த்து மதன லேகியம் என்ற பெயரில் ஆயிரக்கணக்கான ரூபாய்க்கு விற்றுவரும் போலி வைத்தியர்களை நான் அறிவேன். எனவே செக்ஸ் சம்பந்தமான எவ்விதப் பிரச்சினைகளுக்கும், வெட்கப்படாமல், தகுந்த ஒரு மருத்துவரின் ஆலோசனையைப் பெறுங்கள்.

அப்புறம் சின்னச் சின்னப் பிரச்சினைகள் – ஒன்று என் ஆண்குறி வளைந்து இருக்கிறது. அதனால் என்ன? பெண்குறிக்குள் செலுத்தும் போது நேராகவே செல்லும். கவலை வேண்டாம்.