ஆண்களுக்கு மிக மோசமான பிரச்னையாக கருதப்படுவது விந்தணு குறைபாடு. இத்தகைய விந்தணு குறைபாடுக்கு நாமே தான் காரணம் என்று கூறப்படுகிறது.
ஆண்கள் மேற்கொள்ளும் ஒருசில பிரச்னைகளின் முடிவு தான் விந்தணு குறைபாடு. கருவுறுதலில் பிரச்னையை ஏற்படுத்தும் இந்த விந்தணு குறைபாடு, ஆரோக்கியமற்ற சில வாழ்க்கை முறையின் காரணமாகவும் ஏற்படுகிறது.
புகைப்பிடிப்பது:
விந்தணு குறைபாடுக்கு முக்கிய காரணமாக கூறப்படுவது புகைபிடிக்கும் பழக்கம். புகைப்பிடிப்பதால் அதில் உள்ள புகையிலை விந்தணுக்களை அழித்து, அதன் உற்பத்தியைக் குறைத்துவிடும்.
ஜங்க் உணவுகள்:
ஜங்க் உணவுகள் உட்கொள்வதை தவிர்க்க வேண்டும். இல்லாவிட்டால் உடலில் விந்தணுக்களை உற்பத்தி செய்ய தேவையான சத்துக்கள் கிடைக்காமல், விந்தணு குறைபாட்டை ஏற்படுத்திவிடும்.
தூக்கமின்மை:
தினமும் போதிய தூக்கம் இல்லாவிட்டால், உடலானது சோர்ந்து விடும். இவ்வாறு உடல் சோர்வடைந்தால், விந்தணுக்கள் செயல்படுவதற்கு போதிய ஆற்றல் இல்லாமல், அதன் சக்தி குறைந்துவிடும்.
இறுக்கமான உள்ளாடை:
உள்ளாடையை இறுக்கமாக அணிந்தால், விந்தணுக்களின் வளர்ச்சி மற்றும் செயல்பாடு தடைப்படும். எனவே எப்போதும் தளர்வான ஆடைகளை அணிய வேண்டும்.
செல்போன்களை பேன்ட் பாக்கெட்டில் வைப்பது:
செல்போன்களில் இருந்து வெளிவரும் கதிர்வீச்சு மற்றும் அதிர்வு, விதைப்பைக்கு பெரும் பாதிப்பை ஏற்படுத்தும். இதனால் விந்தணுவின் உற்பத்தியும் தடைபடும்.
ஹார்மோன் உற்பத்தி:
நாளமில்லா சுரப்பிகள் போதிய அளவில் டெஸ்டோஸ்டிரோன் எனும் ஹார்மோன் உற்பத்தி செய்யாவிட்டால், விந்தணுக் குறைபாடு ஏற்படும்.
லேப்டாப்:
லேப்டாப்பை மடியில் வைத்து வேலை பார்ப்பதால் விந்தணு குறைபாடு ஏற்படும் என கூறப்படுகிறது.
இவை அனைத்தும் விந்தணு குறைபாடுக்கான காரணங்கள் தான். மேலும், ஆரோக்கியமான உணவுப் பழக்க வழக்கங்களை மேற்கொள்வதன் மூலம் விந்தணு உற்பதியை பெருக்கி கொள்ள முடியும் என்றும் கூறப்படுகிறது
