தேவையான பொருட்கள் :
ஸ்பிரிங் ரோல் ஷீட் – 15
இறால் – 15 ( பெரியது)
கேரட் – 1
சாலட் வெள்ளரி – 1
முட்டைகோஸ் – 1/4 கப்
சின்னவெங்காயம் – 50 கிராம்
பூண்டு – 4 பல்
இஞ்சி – 1 சிறுதுண்டு,
பச்சை மிளகாய் – 1,
வெங்காயத்தாள் – சிறிதளவு
வெள்ளை மிளகுத்தூள் – 1 தேக்கரண்டி (கறுப்புமிளகு தூளும் சேர்க்கலாம்)
சோயா சாஸ் – 1/4 தேக்கரண்டி
உப்பு – தேவையான அளவு
எலுமிச்சைச்சாறு – 2 தேக்கரண்டி
எண்ணெய் – பொரிப்பதற்கு
ஓரங்களை ஒட்ட:
மைதா – 1 மேசைக்கரண்டி
தண்ணீர் – சிறிதளவு
செய்முறை :
* வெங்காயத்தாளை பொடியாக நறுக்கி கொள்ளவும்.
* சின்னவெங்காயம், பூண்டு, இஞ்சி, பச்சைமிளகாயை பொடியாக நறுக்கி கொள்ளவும்.
* மைதாவை சிறிதளவு தண்ணீர் பசை போல் கலந்து வைக்கவும்.
* இறாலை நன்றாக சுத்தம் செய்து உப்பு, எலுமிச்சைச்சாறு சேர்த்துப் பிசறி தனியாக வைக்கவும்.
* கேரட், சாலட் வெள்ளரியை 2 இன்ச் நீளத்தில் மெல்லிய குச்சிகளாக வெட்டி கொள்ளவும்.
* வாணலியில் 1 மேசைக்கரண்டி எண்ணெய் விட்டு சின்னவெங்காயம், பூண்டு, இஞ்சி, பச்சைமிளகாய் போட்டு வதக்கவும்.
* அடுத்து அதில் முட்டைகோஸ், உப்பு, மிளகுத்தூள் சேர்த்து மேலும் 2 நிமிடம் வதக்கவும்.
* அடுத்து சோயா சாஸ் சேர்த்துக் கிளறி வெங்காயத்தாள் தூவி இறக்கவும்.
* ஸ்ப்ரிங் ரோல் ஷீட் மீது இக்கலவையில் சிறிதளவு வைத்து அதன் மீது ஒரு இறால், சிறிதளவு கேரட், வெள்ளரி வைத்து சுருட்டவும்.
* ஓரங்களை மைதா தண்ணீர் கலவையால் ஒட்டி வைக்கவும்.
* கடாயை அடுப்பில் வைத்து எண்ணெய் ஊற்றி சூடானதும் செய்து வைத்துள்ள ஸ்ப்ரிங் ரோல்களை போட்டு மிதமான தீயில் பொன்னிறமாக பொரித்தெடுக்கவும்.
* இறால் ஸ்பிரிங் ரோல் ரெடி.
* ஸ்ப்ரிங் ரோல் ஷீட்டை ஃப்ரீசரில் வைத்து இருந்து எடுத்து ஈரமான டவலில் சுற்றி வைக்கவும். இல்லையென்றால் ஷீட் காய்ந்து சுருட்ட வராது.
