பாலியல் பிரச்னைகள்
வளரும் பருவத்தில், பெரும்பாலான பெண்களுக்குக் காதல் மற்றும் காம உணர்வுகள் வரத்தான் செய்யும். தாங்கள் யாரையாவது தொட வேண்டும் அல்லது யாராவது தங்களைத் தொடவேண்டும் என்று அவர்கள் இச்சையுடன் நினைப்பது சாதாரண விஷயம்தான்.
இதற்கு ஹார்மோன் சுரப்புதான் காரணம்.
பெண்கள், உடலுறவில் ஈடுபடவும் பல காரணங்கள் உண்டு.
சிலர் குழந்தைவேண்டி உடலுறவில் ஈடுபடுகிறார்கள். சிலருக்கு உடலுறவு மகிழ்ச்சி அளிப்பதாக இருக்கும்.
அந்த மகிழ்ச்சிக்காக சிலர் உடலுறவில் ஈடுபடுவார்கள். சிலர், அதில் விருப்பம் உண்டோ இல்லையோ, மனைவி என்ற அடிப்படையில், கடமைபோல் அதில் ஈடுபடுகிறார்கள்.
சிலர், பணத்துக்காக அல்லது உணவு அல்லது தனது குழந்தைகளுக்கு உடைகள் வாங்குவதற்காக அல்லது தங்க இடம்வேண்டி கட்டாயத்தின்பேரில் அதில் ஈடுபடுகிறார்கள்.
சிலர், தன்னுடைய கணவன் அல்லது காதலன் தன்னை அதிகம் நேசிக்க வேண்டும் என்பதற்காக உடலுறவில் ஈடுபடுகிறார்கள்.
கட்டாய உடலுறவு
பெண்கள் போகப் பொருளாகவே கருதப்படுவதால், எவ்வளவு தூரம் அவர்களைத் தலைக்கு மேல் தூக்கிவைக்கிறார்களோ அவ்வளவு தூரம் கொடுமைப்படுத்தவும் செய்கிறார்கள்.
உலகம் முழுவதும் பல பெண்களும் இளம் பெண்களும் விருப்பம் இல்லாமல் உடலுறவில் ஈடுபட நிர்ப்பந்திக்கப்படுகிறார்கள். பெரும்பாலும், காதலர்கள் என்று சொல்லிக்கொள்ளும் அவர்களின் ஆண் நண்பர்களே இவ்வாறு நிர்ப்பந்திக்கிறார்கள்.
சில இடங்களில், இதை காதலனின் பலாத்காரம் (Date rape) என்று அழைக்கின்றனர்.
இந்த நிர்ப்பந்தம், உடல் ரீதியானது மட்டுமல்ல; உணர்வுகளாலும், வார்த்தைகளாலும்கூட அவர்கள் நிர்ப்பந்திக்கப்படுகிறார்கள். விருப்பம் இல்லாமல் யாரையும், யாரும் பாலுறவுக்கு நிர்ப்பந்திக்கக் கூடாது.
மனைவி என்றாலும் அவளது அனுமதி இல்லாமல் உறவுகொள்ளக் கூடாது.
தற்போதுதான், பெண்களுக்கும் இன்பம் தரவேண்டும் என்ற எண்ணம் ஆண்களிடம் ஏற்பட்டிருக்கிறது.
அதுபோல், உச்சகட்ட இன்பம் பெறுவது தங்களுக்கும் சாத்தியம் என்பதைப் பெண்கள் உணரத் தொடங்கி இருக்கிறார்கள்.
கணவனிடம் இருந்து எப்படி உச்சகட்ட இன்பத்தைப் பெறுவது என்பதிலும் பெண்கள் தேர்ச்சிபெற வேண்டியது அவசியமாகும்.
