பெண்களை பொறுத்த வரையில் பாலுறுப்புகளுக்கு வரும் பல ரத்த நாளங்கள், நரம்புகள், மிக மென்மையானவை, இவையே பாலுறவின் போது விரிந்து சுருங்கி உணர்ச்சியை ஏற்படுத்துகின்றன.
இந்த நரம்புகள், நாளங்கள் சர்க்கரை வியாதியால் எளிதில் பாதிக்கப்படும். இந்த பாதிப்பால் பூரண உணர்ச்சி இல்லாத நிலை ஏற்பட்டு பெண் உறுப்பு ஈரமாகி விரிவாவது எளிதில் நடக்காது. இதனால் உடலுறவின் போது வலி ஏற்படுகிறது. இதனால் பெண்களுக்கு உடலுறவு பிடிக்காமல் போய்விடுகிறது.
பெண்மைக்குறைவு ஏற்படாமல் தவிர்க்கவும் குறைபாடு இருப்பின் அவை அதிகரிக்காமல் தடுக்கவும் முன்னெச்சரிக்கை அவசியம் தக்க நடவடிக்கைகள் மேற்கொண்டு வாழ்க்கை முறையை மாற்றி அமைத்துக் கொள்வது அவசியம்.
ரத்தத்தில் சர்க்கரை அளவை கட்டுப்பாட்டுக்குள் வைத்துக் கொள்வது அவசியம். கட்டுப்பாடான வாழ்க்கை, சத்தான அதே சமயம் சர்க்கரை அளவை அதிகரிக்காத உணவு முறை, உடற்பயிற்சி, தக்க இடைவெளியில் பரிசோதித்துக் கொள்வது, தகுந்த மருத்துவ ஆலோசனை, ரத்த அழுத்தம் இருப்பின் அதனையும் கட்டுப்பாட்டிற்குள் வைப்பது போன்றவை மிக முக்கியம்
சர்க்கரை வியாதி இல்லாதவர்களை விட சர்க்கரை வியாதி உள்ளவர்களுக்கு பெண்மைக்குறைவு ஏற்படும் வாய்ப்பு மிக அதிகம்
முறையான சிகிச்சை மூலம் இத்தகைய பிரச்சனையிலிருந்து விடுபடலாம். மருத்துவரை காலம் தாழ்த்தாமல் கலந்து ஆலோசித்து சிகிச்சை பெற்றால் நல்ல பலன் பெறலாம்.
