பொது மருத்துவம்:தொடக்கத்தில் மண் பாத்திரத்தில் சமைத்து சாப்பிட்டு வந்தோம். இதையடுத்து பித்தளை, வெண்கலம், இரும்பு, ஈயம், எவர்சில்வர் எனப் பல்வேறு வகையான பாத்திரங்களை சமையலுக்கு பயன்படுத்தி வருகிறோம்.
தற்போது நான்ஸ்டிக் பாத்திரங்களை அதிகளவில் பயன்படுத்த தொடங்கிவிட்டோம். ஏனெனில் இது உணவோடு ஒட்டாது. எனவே இதனை சுத்தப்படுத்துவது மிகவும் எளிது. ஆகையால் பொதுமக்களுக்கு நான்ஸ்டிக் பாத்திரங்கள் மீது ஈர்ப்பு ஏற்பட்டது.
இருப்பினும் மருத்துவ ரீதியாக பல்வேறு ஆபத்துகள் இருப்பதாக கூறப்பட்டு வருகிறது. கடந்த ஆண்டு ஸ்வீடன் பல்கலைக்கழகம் நான்ஸ்டிக் பாத்திரங்கள் குறித்து ஆய்வறிக்கையை வெளியிட்டது. அதன்படி, நான்ஸ்டிக் பாத்திரங்கள் சர்க்கரை நோய்க்கு காரணியாக இருக்கலாம் என்று தெரிவிக்கப்பட்டது.
இந்த சூழலில் இத்தாலி பல்கலைக்கழகம் புதிய ஆய்வு முடிவு ஒன்றை வெளியிட்டுள்ளது. இந்த அறிக்கை Journal of Clinical Endocrinology & Metabolism என்ற தளத்தில் தாக்கல் செய்யப்பட்டுள்ளது.
அதாவது நான்ஸ்டிக் பாத்திரங்களில் சமைத்து உண்டு வந்தால், ஆணுறுப்பு சிறியதாகி விடும் என்று தெரிவிக்கப்பட்டுள்ளது. இந்தப் பாத்திரங்களில் பெர்ஃப்லோரால்கைல் என்ற வேதிப்பொருள் இருக்கிறது.
இது ஆணுறுப்பின் நீளத்தைக் குறைப்பதோடு, விந்தணுக்களின் தரத்தையும் குறைத்து விடுகிறதாம்.
