குறியும் அடிக்கடி எழுச்சி அடைந்து விடுகிறது. என்ன காரணம்?

கேள்வி – எனக்கு 28 வயதாகிறது. எனக்கு இரண்டு மாதங்களுக்கு முன்பாக திருமணம் ஆனது. உடலுறவு கொள்ள மிகவும் ஆர்வமிருந்தும் என் குறி விறைப்புக் கொள்வதில்லை. முதல் முயற்சியில் பிரச்சனையில்லை. ஆனால் இரண்டாம் முறை ஈடுபட முயற்சிக்கும்போது பிரச்சனை ஏற்படுகிறது. முதல் முயற்சியில் நான் நிறுத்தி தொடரும் முறையை மேற்கொண்டால், விந்து வெளிப்படுவதற்கு முன்பே விறைப்புத் தன்மை இழக்கப்படுகிறது. தயவுசெய்து உதவவும்.

பதில் – எப்போது போதும் என்று உங்கள் உடல் சொல்லும். இரண்டாவது முறையை தவிர்க்க வேண்டும் அல்லது சில மணிநேரத்திற்கு தள்ளிப் போட வேண்டும். முதல் உறவுக்கு முன்பாக ஒருவருக்கொருவர் திருப்திப்படுத்தும் வகையில் சிறப்பாக முன் விளையாட்டில் ஈடுபடவும்.

கேள்வி – எனக்கு 25 வயதாகிறது. எனது காதலனுக்கு பால்வினை சரும நோய் (ஹெர்பிஸ்) உள்ளது. இது என்ன நோய்? அவரை திருமணம் செய்வது சரியா? இது எனது பாலுறவு வாழ்க்கையில் என்ன விளைவுகளை ஏற்படுத்தும்? நாங்கள் குழந்தை பெற்றுக் கொள்ளலாமா? திருமண வாழ்க்கை சாதாரணமான ஒன்றாக இருக்குமா? நான் முத்தமிடலாமா? நான் எனது பெற்றோரிடம் சொல்லலாமா?

பதில் – பிறப்புறுப்பில் ஏற்படும் ஹெர்பிஸ் தொற்றுநோயுள்ள ஒருவருடன் உடலுறவு கொள்வதால் ஏற்படுவதாகும். இதற்கு வைத்தியம் கிடையாது. ஆனால் அதனை தடுக்க மருந்துகள் உள்ளன. இது கொப்புளங்கள் இருக்கும்போது தொற்றக் கூடியது. நீங்கள் முடிவெடுக்கும் முன்பாக ஒரு சரும நிபுணர் மற்றும் பெண் மருத்துவரை பார்ப்பது நல்லது என்று அறிவுறுத்துவேன். எனவே, முத்தமிடுவது உட்பட அவருடன் உடலுறவு கொள்வது நல்லதில்லை. உங்களால் சாதாரணமான தாம்பத்ய வாழ்க்கை வாழ முடியாது. குழந்தை பெற்றுக் கொள்வதும் அபாயமானதே. நீங்கள் கண்டிப்பாக இது பற்றி உங்கள் பெற்றோரிடம் சொல்ல வேண்டும். அவர் உங்களிடம் வெளிப்படையாக இருப்பதால், நீங்கள் நல்ல நண்பர்களாக இருந்து விட்டுப்போவதே சிறந்தது என்பேன்.

கேள்வி – எனக்கு வயது 26. கடந்த எட்டு ஆண்டுகளாக நீரிழிவு நோய் இருக்கிறது. கடந்த சில மாதங்களாக, எனக்கு குறைவான பாலுணர்வு ஏற்படுகிறது, சோம்பேறித்தனமான விறைப்புத்தன்மை, ஆர்வமின்மை போன்றவை ஏற்படுகின்றன. என்னுடைய எச்பிஏ1சி 6.2, 6.5, 6.7 ஆக இருந்து வந்தது, கடைசியாக 7.3% இருந்தது. நான் ஹூயூமன் மிக்ஸ்டேர்ட் 30/70 இருமுறை (40 யூனிட்கள் காலையில், 30 யூனிட்கள் மாலையில்), பினோம்-10 (ஆல்மெச்ரடான் மெடோக்ஸோமில்), ஆப்டிசுலின் மல்டிவிட்டமின் கேப்சூல் எடுத்துவருகிறேன். தற்போது போட்டி தேர்வுகளுக்காக மும்முரமாக தயாராகி வருகிறேன். தேர்வு அழுத்தம், இதர இயற்கை உடல் அழுத்தம் போன்றவற்றால் பாதிக்கப்பட்டுள்ளேன். இவை உடல், மன ஆரோக்கியம் தொடர்பான மலட்டுத்தன்மை, விறைப்பின்மை போன்ற வேறு பிரச்சனைகளையும் ஏற்படுத்தும் என்பதையும் நான் அறிவேன்.

பதில் – ஆம், நீரிழிவு ஆண் விறைப்பு பிரச்சனையை ஏற்படுத்தக் கூடியது. மேலும் (உங்களைப் பொறுத்தவரை) பல ஆண்டுகள் இருந்து சிறப்பாக கட்டுப்படுத்தாவிட்டால் இவ்வாறு ஆகும். உங்கள் மருத்துவரை சந்தித்து சிறந்த கட்டுப்பாட்டை பெற அவரிடம் ஆலோசனை பெறுமாறு அறிவுறுத்த விரும்புகிறோம்.

மேலும் உங்கள் பிரச்சனைக்கான துல்லியமான காரணங்களை அறிந்துகொள்ள நீங்கள் வேறு பல சோதனைகளையும் செய்துகொள்ள வேண்டும். இதற்காக பதட்டப்படவோ, ஏமாற்றமடையவோ தேவையில்லை. உங்கள் பத்தியம், உடற்பயிற்சி மற்றும் மருந்துகளை எடுத்துக்கொள்வதை கடைப்பிடித்தாலே நீங்கள் உங்கள் திருமணத்திற்கு முன்பாகவே சரியாகி விடலாம்.

கேள்வி – எனக்கு 47 வயதாகிறது. இரண்டு மகள்கள் உள்ளனர். எனது கணவர் ஆரோக்கியமாக இருக்கிறார். அவர் வாரத்திற்கு இரண்டு அல்லது மூன்று முறை உறவு வைத்துக்கொள்ள விரும்புகிறார். இதுதான் பிரச்சனை. ஆனால் எனக்கு அது விருப்பமில்லை. அதேபோல பல ஆண்டுகளாக உறவில் ஈடுபடுவதால் எனது குறி அகன்று விட்டதாக தோன்றுகிறது. அதனால்தான் எனக்கு உறவு பிடிக்கவில்லையா? அதை இறுக்கமாக்கி உறவை இன்பமாக்க நான் என்ன செய்ய வேண்டும்?

மருத்துவரின் பதில் – உங்கள் சந்தேகங்களை உறுதிசெய்துகொள்ள பெண் மருத்துவரை சந்திக்கவும். உங்கள் குறியை இறுக்கமாக்கும் அறுவைச் சிகிச்சையை செய்துகொள்ள பரிந்துரைக்கப்படலாம். அதேவேளையில், உங்கள் குறியைச் சுற்றியுள்ள தசைகளுக்கு உடற்பயிற்சி அளிக்கும் என்பதால் நீங்கள் இணையங்களில் பார்த்து கெஜல் உடற்பயிற்சிகளை கற்றுக்கொள்ளலாம்.

கேள்வி – நான் புதிதாக மணமானவள், எனக்கு வயது 24. நானும் என் கணவரும் பிரச்சனையில்லாத உடலுறவு சுகம் பெற்று வருகிறோம். ஆனால் உடலுறவின்போது அந்த சுகத்தை, பரவசத்தை என்னால் அனுபவிக்க முடியவில்லை. என் கணவரின் குறி விறைப்புக்குப் பின் 4.5444.5 – 5 அங்குலம் நீளம் உள்ளது. உடலுறவை அனுபவிக்க, உச்சநிலையை அனுபவிக்க என்ன செய்யலாம்? அதேபோல அவரது குறியின் நீளம் எனக்கு சுகத்தை தர போதுமானதா?

மருத்துவரின் பதில் – உங்கள் கணவர் உடலுறவை ஆரம்பிக்கும் முன்பாக ஒரு உச்சநிலையைப் பெற அவரை முன்விளையாட்டில் ஈடுபடுமாறு கேட்டுக் கொள்ளவும். அவருக்கு விந்து வெளிப்படும்போது, அவரது உடலில் விளையாடுவது அல்லது அவரின் விரல்களை பயன்படுத்தி இரண்டாவது உச்சநிலையை பெறவும்.

கேள்வி – எனது காதலன் என்னை முத்தமிட்டான். நான் கர்ப்பமாகி விடுவேனா?

பதில் – இல்லை. கர்ப்பமடைய, ஆணின் விந்து பெண்ணின் குறிக்குள்ளாக செல்லவேண்டும்.

பெண்களை கண்டவுடனே எனக்கு என்னமோ போல் உண்டாகி விடுகிறது. சகஜமாக அவர்களுடன் இணைந்து பணி புரியவும் இயலவில்லை. குறியும் அடிக்கடி எழுச்சி அடைந்து விடுகிறது. என்ன காரணம்?

இதற்கு காரணம்- உங்கள் மனதில் எப்போதும் செக்ஸ் பற்றி இருக்கும் யோசனைதான். உங்களுடன் பணிபுரியும் பெண்களை பெண்களாக கருதாமல், உங்களுடன்கூட பணிபுரியும் இன்னொரு ஆக கருதுங்கள். இதுபோல நினைக்கும்போது ஆண்களாக இருந்தாலும், பெண்களாக இருந்தாலும் உங்களுக்கு பணியை குறித்த சிந்தனைதான் இருக்குமே தவிர செக்ஸ் சிந்தனை வராது. இதுமட்டு மின்றி உங்களுக்கு இருக்கும் ஓய்வு நேரத்தில் உங்கள் முன்னேற்றத்திற்கு உண்டான தேர்வுக்கு படித்தல், அல்லது விளையாட்டு காரியங்களில் ஈடுபடுவதனால் உங்கள் சிந்தனை சரியான முறையில் திசை மாறும்.

கூந்தல் நீண்டிருக்கும், உடம்பில் கை, காலில் அதிகம் முடியிருக்கும் பெண்களுக்கு காம உணர்வு அதிகம் என்கிறார்களே, உண்மையா? ஆம் எனில் எதனால்?

இந்த கருத்து உண்மையல்ல. ஒரு பெண்ணின் உடம்பில் முடிஅதிகமாக இருக்ககாரணம் அந்த பெண்ணின் உடம்பு அமைப்பும், ஒரு சில பெண்களுக்கு ஹார்மோன் குறைபாட்டினாலும் அதிகமாக முடியிருக்கலாம். இது முடி அளவுக்கும் காமத்திற்கும் எந்தவிதமான தொடர்பும் கிடையாது.

எங்களுக்கு திருமணமாகி பத்தாண்டு ஆகிறது. 2 குழந்தைகள் உண்டு. ஆனால் என் மனைவி செக்ஸில் திருப்தி ஏற்படவில்லை என்கிறார். அவளை எப்படி திருப்திபடுத்தலாம்?

திருப்தி என்பது ஒரு ரிலேட்டிவ் வார்த்தை. இது மனதை பொறுத்தது. ஒருத்தருக்கு எது திருப்தி தருகிறதோ அதே செயல்பாடு மற்றவருக்கு திருப்தி தராமல் போகலாம். நீங்கள் உங்கள் மனைவியை கேளுங்கள், மனம் விட்டுப் பேசுங்கள், எதை எதிர்பார்க்கிறார்கள், என்ன செய்தால் திருப்தி வருமென்று நினைக்கிறார்கள், எதிர்பார்க்கிறார்கள் என்று கேட்டு அறிந்து கொள்ளுங்கள். ஒரு வேளை உங்களுக்கு துரித ஸ்கலிதம் இருந்தால் உங்கள் மனைவி திருப்தியுறாமல் போகலாம். அல்லது தேவைப்பட்ட அளவு உணர்ச்சிவசப்பட வைக்கும் அளவு பாலியல் நடவடிக்கை களில் ஈடுபடாமல் இருக்கலாம். இதை நீங்கள் கண்டறிந்து நீங்கள் அதற்கேற்ப நடந்து திருப்திப்படுத்த வேண்டும்.

செக்ஸ் ஆர்வமில்லையா?
கணவன் மேல் உயிரையே வைத்திருப்பாள். ஆனாலும் செக்ஸ் என்றாலே வாந்தி வரும் அளவுக்கு அதை வெறுப்பாள். இந்த உணர்வுடன் நாளுக்கு நாள் ஊதும் உடல், முறையற்ற மாதவிடாய், தூக்கமின்மை, சோம்பேறித் தனம், எதிலும் விட்டேத்தியான மனோபாவம் ஆகியவையும் உங்களிடம் இருக்கா? உங்களை பாதித்திருப்பது சாட்சாத் தைராய்ட் பிரச்சினையே தான்.

தீர்வு :- உடனடியாக மருத்துவரை சந்தித்து தைராய்டு சோதனை மேற்கொள்ளுங்கள். மன உளைச்சல் இருந்தால், அதற்கும் சிகிச்சை அவசியம். சரியாக சாப்பிடுவது, இரத்தத்தில் சர்க்கரையின் அளவைக் கட்டுப்பாட்டில் வைத்திருப்பது, மிதமான உடற்பயிற்சி போன்றவையெல்லாம் உங்கள் மூடை மாற்றும். பிறகென்ன…. நேத்து ராத்திரியம்மா…. தான் தினம் தினம்.
கனவாய் தொடரும் உச்சக் கட்டம்…..

பத்திரிகைகளில் படித்தது, மற்றவர்கள் சொல்லக் கேட்டதோடு சரி, மற்றபடி உச்சக் கட்டம் என்பது இன்னும் உங்களுக்கு எட்டாமலேயே இருக்கிறதா?
தீர்வு:- சர்க்கரை நோய் இருக்கலாம் உங்களுக்கு. உடனே சோதித்துப்பாருங்கள். சர்க்கரை நோய் இருப்பவர்களுக்கு இடுப்பெலும்பு மற்றும் ஜனன உறுப்புகளுக்குச் செல்கிற இரத்த ஓட்டம் குறைவாக இருக்குமாம். அதனாலேயே அவர்களுக்கு உறவு விரக்தியில் முடிகிறதாம். சர்க்கரையைக் கட்டுப்பாட்டுக்குள் வைத்திருப்பது ஒன்றுதான். முழுதானிய உணவுகளை அதிகம் சேர்த்துக் கொள்வது இன்சுலின் சுரப்பை முறைப்படுத்தி, உறவின் போதான உச்சக் கட்டத்துக்கு உதவியும் செய்யுமாம்.

உறுப்பின் வறட்சி….
இந்தப் பிரச்சினை எந்த வயதினருக்கும் வரலாம் என்றாலும் மெனோபாஸ் ஸ்டேஜில் இருக்கிற பெண்களுக்கு மிக சகஜம். காரணம் ஈஸ்ட்ரோஜென் சுரப்பு குறைவது. இதுவரை மெனோ பாஸுக்கான அறிகுறியே பிறப்புறுப்பு வறட்சி என்று சொல்லப் பட்டது. இப்போது, உயர் இரத்த அழுத்தத்தாலும் ஏற்படலாம் என்று நிரூபிக்கப் பட்டுள்ளது.

தீர்வு:- வாசனையான சோப், பிறப்புறுப்பை சுத்தம் செய்கிற வாசனைத் திரவியங்கள், டைட்டான உள்ளாடை மற்றும் ஜீன்ஸ் பேண்ட் போன்றவை தவிர்க்கப்பட வேண்டும். மருத்துவரின் ஆலோசனையின் பேரில் கிரிம், வழுவழுப்புத் திரவம் போன்றவற்றையும் உபயோகிக்கலாம். மெனோபாஸ் வயதில் இருந்தால் ஹார்மோன் ரிப்ளேஸ்மென்ட் தெரபி எடுத்துக் கொள்வதைப் பற்றி மருத்துவரிடம் பேசலாம்.

உறவுக்குப் பின் உதிரப் போக்கு….
உடனடியாகக் கவனிக்கப்பட வேண்டிய பிரச்சினை இது. சில சமயங்களில் இது புற்றுநோய்க்கான ஆரம்ப அறிகுறியாகவும் இருக்கலாம் என்கிறார்கள் மருத்துவர்கள். இளம் கர்ப்பிணிப் பெண்கள் மற்றும் கர்ப்பத் தடை மாத்திரைகள் உட்கொள்கிறவர்களிடம் இது அதிகம் காணப்படுகிறதாம். வேறு அறிகுறிகள் இல்லாததாலும், அனேகமாகப் பெண்களால் புறக்கணிக்கப் படுவதாலும், இந்தப் பிரச்சினை, பிற்காலத்தில் மலட்டுத் தன்மைக்கும் வழி வகுக்கலாம். ரொம்பவும் இளம் வயதுப் பெண்களிடம் காணப்படுகிற பட்சத்தில் அது ப்ரி மெனோபாஸுக்கான அறிகுறியாகவும் இருக்கலாம் என்கிறார்கள் மருத்துவர்கள்.
தீர்வு:- புற்றுநோய்க்கான சோதனை செய்து பார்ப்பது பாதுகாப்பானது. தொற்றுக் கிருமிகளின் தாக்குதலாக இருக்கும் என்கிற பட்சத்தில் ஆண்டிபயாடிக் உதவியால் சரி செய்யலாம்.

வலி தரும் உறவு…..
சந்தோஷத்தைத் தர வேண்டிய செக்ஸ் வலியையும், வேதனையையும் தருகிறதா?
பெரும்பாலும் இது மனம் சம்பந்தப்பட்ட பிரச்சினையே. அப்படியில்லை என உறுதியானால் மட்டுமே பிற சோதனைகள் அவசியம். பிறப் புறுப்பின் லைனிங் பகுதி மிக மிக மென்மையானது. அது மிகச் சுலபமாக பாக்டீரியா மற்றும் பால்வினை நோய்த் தொற்றுக்களால் பாதிக்கப் படக்கூடும். அதன் விளைவாக உறவின்போது எரிச்சல், வலி, கசிவு போன்றவை இருக்கலாம். என்டோமெட்ரியாசிஸ் என்கிற நோயின் விளைவாகவும் உறவின் போதான வலி இருக்கலாம். மிக அபூர்வமாக சிலருக்கு சினைப்பை கட்டியின் காரணமாகவும் இந்த வலி இருக்கலாம். வயிற்று வலி, கொஞ்சம் சாப்பிட்டதுமே வயிறு நிறைந்து விட்ட உணர்வு, மலச்சிக்கல் மாதிரியான நினைத்துப் பார்க்க முடியாத காரணங்களாலும் இந்த வலி இருக்கலாம் என்கிறார்கள்.
தீர்வு:- பெரும்பாலும் ஆண்டிபயாடிக் மருந்துகளே இதற்கு குணம் தரும். வேறு கோளாறுகள் இருக்குமென சந்தேகப் பட்டால் லேப்ராஸ் கோப்பி மூலம் சோதனை செய்வார்கள். பிறப்புறுப்புத் தொற்று என்றால் அதற்கான கிரிம் மூலமே சரிசெய்து விடலாம்.