இன்று நீங்கள் யாரைக் கேட்டாலும் அவர்கள் எல்லாரும் சொல்வது ஓரே ஒரு விஷயம் தான். ஓரே டென்ஷன் என்பது தான் அவர்களின் பதிலாக இருக்கும். உண்மையைச் சொல்லப் போனால் தற்போது மன அழுத்தம் இல்லாத மனிதர்களையே நீங்கள் பார்க்க முடியாது. நோய்க் கட்டுப்பாடு மற்றும் தடுப்பு மையங்கள் கருததுப்படி மன அழுத்தம் எல்லாரையும் பாதித்து வருகிறது என்கிறார்கள்.
இந்த மன அழுத்தம் நம்பிக்கையின்மையை மட்டும் தருவதில்லை ஊக்கமின்மையையும் தருகிறது என்கின்றனர். இது நமது தினசரி வாழ்க்கையே கேள்விக்குறி ஆக்கி விடுகிறது. அப்படி இருக்கும் பட்சத்தில் இந்த மன அழுத்தம் உங்கள் தாம்பத்ய வாழ்க்கையும் பாதிக்காமல் இருக்குமா என்ன? அதைப் பற்றி தான் இக்கட்டுரையில் நாம் காண போகிறோம்.
மன அழுத்தமும் தாம்பத்ய வாழ்க்கையும்
ஒவ்வொருவரும் தினந்தோறும் நிறைய மன அழுத்தம், சோர்வு, நம்பிக்கையின்மை போன்ற பிரச்சினைகளை சந்தித்து வருகிறோம். ஆனால் நமக்கு இருக்கும் சில குறைபாடுகள் கூட மன அழுத்தத்தை ஏற்படுத்துகிறது என்கின்றனர் மருத்துவர்கள். குறிப்பாக ஆண்களுக்கு இந்த பிரச்சினை அவர்களின் செக்ஸ் வாழ்க்கையையே பாதிக்கிறது என்கிறார்கள் டாக்டர்கள்.
நாள்பட்ட மன அழுத்தம்
ஆண்களுக்கு இருக்கும் நாள்பட்ட மன அழுத்தம் அப்படியே அவர்களின் ஆண்மையை பாதிக்க ஆரம்பித்து விடுகிறது. ஒரு ஆணுக்கு செக்ஸ் உணர்வு என்பது மூளையில் உள்ள நியுரோட்ரான்ஸ்மிட்டர் மூலம் நடக்கிறது. இந்த நியூரோட்ரான்ஸ் மிட்டர்கள் தான் மூளைக்கு சிக்னலை அனுப்பி செக்ஸ் ஹார்மோனை தூண்டச் செய்து ஆணுறுப்புக்கு இரத்த ஓட்டத்தை அதிகரிக்கிறது. எனவே தான் செக்ஸின் போது தேவையான ஆற்றலும் கிடைக்கிறது. ஆனால் இந்த மன அழுத்தம் உங்கள் எல்லா செயல்களையும் தடுத்து உங்கள் துணையுடன் நீங்கள் சந்தோஷமாக இருக்க விடாமல் செய்து விடும்.
மன அழுத்தத்தின் பாதிப்புகள்
மன அழுத்தத்தால் பாதிக்கப்பட்ட ஒரு ஆணுக்கு இந்த நியுரோட்ரான்ஸ்மிட்டர்கள் சரிவர செயல்படுவது இல்லை. இதுவே உங்கள் பாலியல் வாழ்க்கைக்கு வேட்டு வைக்கிறது.
ஆற்றல் இழப்பு
மன அழுத்தம் இருந்தால் உங்களுக்கு சோர்வு தான் அதிகம் இருக்கும். இதனாலேயே செக்ஸ் வாழ்க்கையில் உங்களால் ஆற்றலுடன் செயல்பட முடியாது. சோர்வு மட்டும் இல்லாமல் மன அழுத்தம் உங்கள் மனநிலையையே மாற்றி செக்ஸ் ஆர்வம் இல்லாமல் ஆக்கி விடும்.
இன்பம்
கண்டிப்பாக நீங்கள் மன அழுத்தத்தில் இருந்தால் உங்கள் துணையையும் உங்களால் சந்தோஷமாக வைத்திருக்க முடியாது. பிறகு உறவுக்குள் விரிசல் உண்டாகும். பிரிவு ஏற்படலாம்.
