ஆண்மையை அதிகரிக்கும் நார்த்தம்பழம் பற்றி தெரியுமா?

ஆண்மை அதிரிப்பு:சிட்ரஸ் பழ வகையைச் சேர்ந்தது நார்த்தம்பழம். இது புளிப்புச் சுவையுடையது. இதில் கால்சியம், மக்னீசியம், தாது உப்புக்கள், விட்டமின்கள் நிறைந்துள்ளன. இந்தப் பழத்தின் மருத்துவ குணங்கள் குறித்து இங்கே காணலாம்.

புத்துணர்ச்சி தரும் பழம்
உடல் சர்க்கரையைக் குறைக்கக் கூடியது. கொலஸ்ட்ராலைக் கரைக்கக் கூடியது. இதன் மரம் 15 – 20 அடி உயரம் வரை வளரக்கூடும். இந்த மரம் புதர் வடிவ அமைப்பில் இருக்கும். நார்த்தம்பழத்தைச் சிறிதளவு எடுத்துக் கொண்டாலும், அதிக பலன்களை தரவல்லது.

சத்துக்கள் நிறைந்த பழம்
இதன் புளிப்புச் சுவை காரணமாக பெரும்பாலானோர் விரும்புவதில்லை. இருப்பினும் சாதம் செய்ய, ஊறுகாய் செய்ய பயன்படுத்துகிறோம். இந்தப் பழத்தின் மீது சிறிது உப்பை தடவி, அப்படியே சாப்பிடலாம். ஜூஸ் போட்டும் குடிக்கலாம். ஏராளமான நார்ச்சத்து உள்ளது. வைட்டமின்களும், கால்சியமும் அதிகம் இருப்பதால் புத்துணர்ச்சி உடன் வைக்கக்கூடியது.

இதய நோய்க்கு தீர்வளிக்கும் பழம்
இந்தப் பழத்தில் கொஞ்சம் கூட கொலஸ்ட்ரால் கிடையாது. எனவே இதய நோய்களுக்கான ஆபத்தை தடுக்கிறது. தினசரி கொஞ்சம் எடுத்துக் கொண்டால் பலமான இதயம் கிடைக்கும்.

எலும்பை பலப்படுத்தும் பழம்
இந்தப் பழத்தில் ஒரு நாளிற்கு தேவையான 60%க்கும் மேல் கால்சியம் இருக்கிறது. ஆகையால் பெரிய நார்த்தம்பழம் சாப்பிட்டால் அத்தனை சக்தியையும் பெற்றுவிடலாம். எனவே எலும்புகள், பற்களை உறுதியாக வைத்துக் கொள்ள உதவுகிறது.

தசையை உருவாக்கும் பழம்
இதில் விட்டமின் சி, புரோட்டீன்கள் அதிக அளவில் இருக்கின்றன. இது தசை உருவாக்கத்திற்கும், தசை இயக்கங்களை மேம்படுத்தவும் ஆற்றல் அளிக்கிறது.

உயிரணுக்கள் அதிகரிக்கும் பழம்
ஆண்மைத் தன்மையை அதிகரிக்கச் செய்கிறது. உயிரணுக்கள் உற்பத்தி மற்றும் வளம் ஆகியவற்றில் முக்கியப்பங்கு வகிக்கிறது. இதில் இருக்கும் மருத்துவக் குணத்தால் புற்றுநோய், பக்கவாதம், உயர் ரத்த அழுத்தம், சதை இறுக்கம், மலச்சிக்கல் போன்ற அபாயங்கள் குறைகின்றன.

சிறுநீரகப் பிரச்சனை போக்கும் பழம்
சிறுநீரகத்தில் கல் வந்தால், உடனே வாழைத் தண்டை அரைத்துக் குடித்திருப்போம். அதேபோன்ற ஆற்றலை நார்த்தம்பழமும் பெற்றிருக்கிறது. ஆனால் இது அதிவேகமாக சிறுநீரகக் கல்லை கரைக்கக் கூடியது. வருங்காலத்தில் சிறுநீரகக் கல் உருவாகாமல் பார்த்துக் கொள்ளும்.

வாய்க்கு புத்துணர்ச்சி அளிக்கும் பழம்
நார்த்தம்பழத்தில் விட்டமின் பி இருக்கிறது. இது வாய் துர்நாற்றத்தைப் போக்க உதவுகிறது. பற்கள், ஈறுகள் பிரச்சனையில் இருந்து பாதுகாக்கிறது.

உடல் எடை குறைக்க உதவும் பழம்
இதில் குறைவான கலோரிகளே இருக்கின்றன. ஆகையால் உடல் பருமனைத் தடுக்கிறது. உடலின் தேவையற்ற உயிரணுக்களை அழித்து, சிறந்த ஆக்சிஜனேற்ற செயல்பாட்டிற்கு துணை புரிகிறது. நார்ச்சத்து இருப்பதால் கொழுப்பைக் கரைக்க உதவுகிறது.