என்ன உங்களுக்கு ஒரு பெண்ணை பிடித்துவிட்டதா? அந்த பெண்ணோடு என்ன தான் பேசினாலும் பழகினாலும் அந்த பெண்ணுக்கும் உங்களை பிடிக்குமா என்று கேட்பதில் தயக்கமா? எதற்காக அந்த பெண்ணிடம் இதை கேட்டு தெரிந்துகொள்ள வேண்டும்? தேவையே இல்லை..! அந்த பெண் செய்யும் சின்ன சின்ன காரியங்களே உங்களை பிடிக்குமா? பிடிக்காதா என்பதை வெளிப்படுத்திவிடும்.
தொட்டு பேசுதல் ஒரு பெண்ணுக்கு உங்களை பிடிக்கவில்லை என்றால் நிச்சயமாக அவளது உடலின் எந்த பாகத்தையும் உங்கள் மீது பட விடமாட்டார். இவ்வளவு ஏன் அந்த பெண்ணின் விரல் நுனி கூட உங்கள் மீது படாது. உங்களுடன் பேசும் போதோ அல்லது விளையாட்டாக உங்களை அடித்து பேசுவது ஆகியவை உங்களை அந்த பெண்ணுக்கு பிடிக்கும் என்பதை காட்டும். மேலும் உங்களை பிடித்து இருக்கிறது என அவள் வெளிப்படையாக இதன் மூலம் உங்களுக்கு உணர்த்துவாள்.
தோழிகளிடன் உங்களை பற்றி பேசுதல் சதா சர்வ காலம் உங்களை பற்றியே தனது தோழிகளிடம் பேசி அவர்களை வெறுப்படைய செய்துவிடுவார். நீங்கள் அருகில் இல்லாத நேரத்தில் கூட உங்களை பற்றியே பேசிக்கொண்டு இருப்பார்.
அவளது கண்கள் உதடுகள் பொய் சொன்னாலும் கண்கள் பொய் சொல்லாது என்று கூறுவார்கள். அது உண்மை தான். உங்களை அந்த பெண்ணுக்கு பிடிக்கும் என்றால் உங்களுடன் பேசும் போது அந்த பெண்ணின் கருவிழிகள் விரிந்து காணப்படும். அதை யாராலும் கட்டுப்படுத்த முடியாது.
அதிகமாக இடம் தருவது ஒவ்வொருவருக்கும் சில தனிப்பட்ட பர்சனல் விஷயங்கள் இருக்கும். அதுமாதிரி விஷயங்களில் பெண்கள் அனைத்து ஆண்களையும் பத்து அடி தள்ளியே வைத்து இருப்பார்கள். ஒரு பெண் உங்கள தனது பர்சனல் வாழ்க்கைக்குள் உங்களை அனுமதித்தால், நீங்கள் அந்த பெண்ணின் மனதை கவர்ந்துவிட்டீர்கள் என்று அர்த்தம்
முதலில் போன் செய்வது அந்த பெண் உங்களை பற்றியே நினைத்துக்கொண்டு இருப்பதால், நீங்களாக முன்வந்து போன் அல்லது மேசேஜ் செய்யும் வரை அவரால் காத்திருக்க முடியாது. எனவே அவர் பொருமையை மீறி அவரே உங்களை தொடர்பு கொள்வார்.
மொக்கை ஜோக்குகளுக்கும் சிரிப்பார் நீங்கள் மிக சிறப்பாக காமெடி செய்பவர்களாக இருந்தாலும் கூட சில சமயங்களில் மொக்கையாக காமெடி செய்வீர்கள். அதற்கு கூட அவர் சிரித்தால், உங்களை பிடித்து இருக்கிறது என்று தான் அர்த்தம்.
