body fit exercise:ஓடுதல் அல்லது நடைபயணம்: நீங்கள் உடற்பயிற்சி செய்தால், கலோரிகள் எரிந்து உடல் கொழுப்பு குறையும். எனவே உடற்பயிற்சி செய்வது தொப்பையை குறைப்பதோடு, பிற இடங்களில் உள்ள கொழுப்பையும் குறைக்கிறது. இதற்கு ஓடுதல் மற்றும் நடைபயிற்சி மிகச்சிறந்த பயிற்சிகளாகும். இதற்காக ஒரு ஜோடி ஷூக்கள் இருந்தால் மட்டும் போதுமானது.
எலிப்டிகல் டிரெய்னர்: டீன் ஏஜில் இருக்கும் பலருக்கும் வலுவான மூட்டுகள் இருப்பதில்லை. இதனை நடைபயிற்சி, ஓடுதல் மூலம் பெற இயலாது. நல்ல செய்தி என்னவென்றால் எலிப்டிகல் டிரெய்னர்கள் மூலம் அழுத்தம் கொடுத்து, மூட்டுப் பகுதியை வலுவாக்கலாம்.
பை-சைக்கிள் உடற்பயிற்சி: வயிற்றுக் கொழுப்பை கரைக்க உதவும் உடற்பயிற்சிகள் பை-சைக்கிள் பயிற்சி இல்லாமல் நிறைவடையாது. உடல் கொழுப்பை எரிப்பதில் கார்டியோ உடற்பயிற்சிக்கு 50% பங்குண்டு. அதன்பிறகு அடிவயிற்று தசைகளை வலுப்படுத்த வேண்டும். இதற்கு பை-சைக்கிள் உடற்பயிற்சி பெரிதும் உதவுகிறது.
பை-சைக்கிளிங்: இது பல்வேறு பகுதிகளைச் சுற்றி பார்க்க உதவுகிறது. அதேசமயம் கார்டியோ உடற்பயிற்சியாக உடலுக்கு வலுவூட்டுகிறது. தனிப்பட்ட நபரின் வேகம், தீவிரம் ஆகியவற்றைப் பொறுத்து 30 நிமிடப் பயணத்தில் 250 முதல் 500 கலோரிகள் வரை எரிக்கலாம்.
ரிவர்ஸ் க்ரெஞ்ச்: ஜிம்மில் இருக்கும் உபகரணத்தில் கால்களைப் பொருத்திக் கொண்டு, படுத்துக் கொள்ளவும். பின்னர் கால்களின் பலத்தைக் கொண்டு உடலை மேலே எழும்பச் செய்ய வேண்டும். அப்போது உங்களது முட்டி மற்றும் கால்கள் 90 டிகிரியில் இருக்கும். பின்னர் உடலை கீழே இறக்கி, மீண்டும் உயர்த்திச் செய்யவும். இதனை 12-16 முறை என, 1-3 செட்கள் செய்ய வேண்டும்.
வெர்டிகல் லெக் க்ரெஞ்ச்: வயிற்றுக் கொழுப்பைக் கரைக்க உதவும் அற்புதமான உடற்பயிற்சி. உடலை தரையில் நேராக வைத்துக் கொண்டு, கால்களை செங்குத்தாக மேலே உயர்த்த வேண்டும். இதன்மூலம் அடிவயிற்று தசைகள் கடினமாகி, உடற்பயிற்சியின் தீவிரம் அதிகரிக்கும். இதனை 12-16 முறை என, 1-3 செட்கள் செய்ய வேண்டும்.
பால் க்ரெஞ்ச்: இதற்கு உடற்பயிற்சி பந்து தேவை. அதன்மீது மேலுடம்பை வைத்துக் கொண்டு, கால்களை தரையில் வைக்கவும். கைகளை தலைக்கு இருபுறமும் வைத்து, உடலை மேலும், முன்பக்கமாகவும் கொண்டு செல்ல வேண்டும். இதனை 12-16 முறை என, 1-3 செட்கள் செய்ய வேண்டும்.
