நான் குண்டாக இருப்பேன். இதனால் கணவருக்கு உடல் ரீதியாக ஈர்ப்பு இல்லை. ஆனால் எனக்கு செக்ஸ் தேவைப்படுகிறது

கேள்வி: அடிக்கடி உடலுறவு கொள்பவர்கள் இளமையாக தோற்றமளிப்பார்களாமே இது உண்மையா டாக்டர்?

பதில்:

உடலுறவு உடலுக்கும் உள்ளத்திற்கும் புத்துணர்ச்சியளிக்கக் கூடியது என்கின்றன ஆய்வுகள்.
மகிழ்ச்சிகரமான தாம்பத்ய உறவு உடலை இளமையாக்கி இதயநோய் பாதிப்பில் இருந்து பாதுகாக்கிறதாம்.
மகிழ்ச்சிகரமான உடலுறவின் உச்சத்தில் வெளிப்படும் எண்டோர்பின் செரிமானத்திற்கும், உடலில் உள்ள சுருக்கங்களை நீக்கி தோல் இளமையடையவும் உதவுகிறது.
உடலுறவு உடலில் உள்ள கெட்ட கொழுப்புக்களையும், அதிக கலோரிகளையும் கரைக்கிறது என்று ஆய்வு முடிவு தெரிவிக்கிறது.
உடலுறவு கொள்வதன் மூலம் உடலில் உள்ள அனைத்து நரம்புகளும் அணுக்களும் புத்துணர்ச்சி பெறுகின்றன. இதனால் புற்றுநோய் வரும் வாய்ப்பு கூட குறைவுதான் என்று மருத்துவ ஆய்வில் கூறப்பட்டுள்ளது.
உடலுறவு மூலம் உடலில் ஏற்படும் சிறு சிறு பலவீனங்களும் குறைகின்றனவாம். ஜலதோசம், உடல்வலி, போன்றவைகூட எளிதில் குணமடைகிறது என்று மருத்துவ ஆய்வு கூறுகிறது.
தாம்பத்ய உறவு எலும்புகளுக்கும், தசைகளுக்கும் கூட வலிமை ஏற்படுகிறதாம்.
தினசரி தாம்பத்ய உறவு கொள்வது உற்சாகமாக உடற்பயிற்சி செய்வதற்கு சமம்.
உடலுறவு உடலுக்கும் உள்ளத்திற்கும் புத்துணர்ச்சியளிக்கக் கூடியது. எனவே துணையின் சம்மதத்தோடு கூடிய தேவையான அளவு உடலுறவு உடலுக்கு நன்மையே,
அளவுக்கு மிஞ்சினால் எதுவும் நஞ்சு என்பதையும் மனதில் கொள்ளவேண்டும்.

கேள்வி: 6 மாதங்களுக்கு முன்பு எனக்கு திருமணமானது, தினமும் செக்ஸ் வைத்துக்கொள்கிறோம். முன்பு இருந்ததை விட இப்போது 6 மாதத்தில் 8 கிலோ கூடி விட்டேன். தாம்பத்ய உறவில் தொடர்ந்து ஈடுபட்டால், உடல் பெருத்து விடுமா? செக்ஸை குறைத்துக்கொள்ளலாமா?

மருத்துவர் பதில்:

செக்ஸ் உறவை ஆரம்பித்த பின்னர் பெண்களுக்கு மார்புகள், இடுப்புகள், பின்பகுதி பெருப்பது உண்மைதான். ஆனால் இதற்கும், உறவுக்கும் எந்த சம்பந்தமும் இல்லை என்பதே உண்மை.
பாலுணர்வை தூண்டும் ஹார்மோன்களின் சுரப்பு அதிகரிப்பதனால்தான் உடல் பெருக்கிறது என்கிறது ஒரு ஆராய்ச்சி.
திருமணத்திற்கு பின்னர் ஆண்களும், பெண்களும் குண்டாகி விடுகிறார்கள். இப்படிக் குண்டாவதற்கும், செக்ஸ் உறவுக்கும் அதிக சம்பந்தம் இல்லை.
தனியாக இருப்பவர்களை விட திருமணம் செய்து கொண்டவர்கள் மற்றும் செக்ஸ் உறவில் ஈடுபடுபவர்கள் கூடுதலாக உணவு உட்கொள்கிறார்கள் என்று ஒரு ஆய்வு கூறுகிறது. எனவே உடல் பெருக்கத்திற்கு இதுவும் கூட ஒரு காரணமாக அமையலாம்.
தாம்பத்ய உறவு காரணமாக உடல் பெருக்கம் ஏற்படுவதில்லை. உறவின்போது ஏற்படும் திருப்தி, அதனால் ஏற்படும் உடல் பூரிப்பு, மன ரீதியான நிம்மதி, போன்றவைகள் உடல் பருமனாவதற்கு காரணமாக இருக்கலாம்.
திருமணத்திற்கு முன் கடைப்பிடித்து வந்த உணவு, உடற்பயிற்சிக் கட்டுப்பாடுகள் உள்ளிட்டவை தளரும்போது இப்படி உடல் பெருக்கம் ஏற்பட வாய்ப்புகள் உள்ளன.
திருமணத்திற்குப் பிறகும், தாம்பத்ய உறவைத் தொடங்கிய பிறகும் உடல் பருமன் அதிகரிக்கக் கூடாது என விரும்பினால், நிச்சயம் அவர்கள் தொடர்ந்து உடற்பயிற்சிகளையும், உணவுக் கட்டுப்பாட்டையும் கடைப்பிடித்தாக வேண்டும். அப்போதுதான் பருமனாவதைக் குறைக்க முடியும்.
தேவையான அளவு செக்ஸ், தேவையான அளவு உடற்பயிற்சி, தேவையான அளவு சத்தான உணவு, இப்படி அனைத்தும் தேவையான அளவு மட்டும் இருந்தால் அனைத்தும் திருப்தியாக இருக்கும்.

கேள்வி: என் கணவர் எப்போதும் அவர் வீட்டுபக்கமே பேசுகிறார். இதனால் எனக்கும் அவருக்கும் அடிக்கடி சண்டை வருகிறது. அவரை எனது கட்டுப்பாட்டுக்குள் கொண்டுவருவது எப்படி?

உளவியல் ஆலோசகர் பதில்:

தினமும் உங்கள் கணவரிடம் நீங்கள் தான் எனக்கு எல்லமே, நீங்கள் இல்லையென்றால் ஒரு நிமிடம் கூட என்னால் வாழ முடியாது என்று சொல்லுங்கள். அவர் மகிழ்ந்து போய் எனக்கும் அப்படித்தாண்டா என்று சொல்வார்.

கணவர் காலை அலுவலகத்திற்கு கிளம்பும் முன்பு அன்பாக ஒரு முத்தம் கொடுத்து அனுப்பி வையுங்கள். திரும்பி வரும்பேது பிரஷ்ஷாக புன்னகையுடன் அவரை வாங்க என்று அழையுங்கள். அன்றைய நாள் இருவருக்குமே இனிய நாளாக இருக்கும்.

கணவருக்கு மரியாதை கொடுங்கள். வீண் வாக்குவாதங்களை தவிர்க்கவும். அதனால் பல பிரச்சனைகள் தீரும்.

வாக்குவாதம் ஏற்பட்டால் விட்டுக் கொடுத்துச் செல்லுங்கள். நீங்கள் பல முறை விட்டுக் கொடுத்து பாருங்கள். கொஞ்சநாளில் அவரும் விட்டுக்கொடுப்பார்.

என் கணவர் ஒரு முடிவு எடுத்தால் அது சரியாக இருக்கும். அவர் ஏதாவது சொன்னால் அதில் ஒரு காரணம் இருக்கும் என்று பிறரிடம் கூருங்கள்.

கணவரை நல்ல நண்பராக்கிக் கொள்ளுங்கள். நண்பர்கள் போன்று மனம் விட்டுப் பேசுங்கள்.

கணவன், மனைவிக்கு இடையே யாரையும் நுழைய விடாதீர்கள். உங்கள் பிரச்சனைகளை நீங்களே பேசித் தீர்த்துக் கொள்ளுங்கள். இல்லையென்றால் சிறிய பிரச்சனை கூட பூதாகரமாக வெடிக்க வாய்ப்புண்டு.

எதற்கெடுத்தாலும் என் அம்மா வீட்டில் எப்படி இருந்தேன் தெரியுமா என்று அழுகையை ஆரம்பிக்காதீர்கள். அது அவருக்கு அதிக எரிச்சலூட்டும்.

அம்மா வீட்டிற்கு போகும்போதெல்லாம், எங்க வீட்டுக்காரர் வீட்ல எப்படி கவனிச்சுக்குறாங்க தெரியுமா என்று கணவர் பெருமையை சொல்லுங்கள். கணவருக்கு உங்களின் மீது ஈர்ப்பு அதிகரிக்கும்.

கணவர் மீது முழு நம்பிக்கை வையுங்கள்.

கணவருடன் குழந்தைத் தனமாக பேசுங்கள், விளையாடுங்கள். இது மன இறுக்கத்தைப் போக்கும்.

உங்க அம்மா இருக்காங்களே, உங்க அக்கா, தங்கச்சி இருக்காங்களே அவங்க மனுஷங்களே இல்ல, பிசாசுங்க என்று மாமியார், நாத்தனார்களை திட்டாதீர்கள்.

குறை இருந்தால் சொல்லலாம், எதையும் நேரம் காலம் பார்த்து சொல்ல வேண்டும். பட்டென உடைத்து படாரென பேசி உங்கள் வாழ்க்கையை நீங்களே கெடுத்துக்கொள்ள கூடாது.

எந்த தகவலையும் நாசுக்காக எடு்ததுச் சொல்லுங்கள். அவர் புரிந்து கொள்வார்.

மாமியார், நாத்தனார் பிரச்சனை செய்தாலும் கூட என் மனைவி எந்த பிரச்சனையும் செய்யவில்லை. நீங்க தான் அவ கூட சண்டைக்கு வருகிறீர்கள் என்று உங்களுக்கு ஆதரவாகப் பேசுவார்.

சண்டை போடாத கணவன், மனைவி இருக்க முடியாது. அப்படி சண்டை போட்டால் அதை மனதில் வைத்துக் கொண்டே இருக்கக் கூடாது. அவ்வப்போது மறந்துவிட வேண்டும்.

அடிக்கடி கணவரை அன்புடன், ஆசையுடன் கட்டிப்பிடியுங்கள். கணவரை அடக்கி ஒடுக்கித்தான் உங்கள் வசப்படுத்த வேண்டும் என்பதில்லை. அன்பாலும் உங்கள் பக்கம் சாய வைக்கலாம்.

இதையெல்லாம் செய்து பாருங்கள், அருமையான மாற்றங்களை உணர்வீர்கள் உங்கள் இல்லறவாழ்வில்

வாழ்த்துக்கள்.

கேள்வி: நான் பார்க்க குண்டாக இருப்பேன். இதனால் என் கணவருக்கு உடல் ரீதியாக ஈர்ப்பு இல்லை. ஆனால் எனக்கு செக்ஸ் தேவைப்படுகிறது. உடல் இளைக்க என்ன வழி?

மருத்துவர் பதில்: அதிக உடல் எடை என்றுமே ஆபத்துதான். உங்களின் பழக்க வழக்கங்களைப்பற்றி நீங்கள் ஒன்றுமே குறிப்பிடவில்லை. இருந்தபோதும் உடல் எடை குறைப்பதற்கான வழிகளை பார்ப்போம்

குறைந்த கலோரிகள் உள்ள உணவு, அதிக நார்ச்சத்துள்ள உணவு, அதிகம் குடிநீர், புகைத்தல் மதுபானம் அருந்துவதை தவிர்த்தல் ஆகியவற்றை தவறாது கடைபிடித்தாலே உடல் எடையைக் குறைக்கலாம்.

தினமும் 1 மணி நேரம் குறைந்தது 4 – 5 கி மீ, வேகமாக நடத்தல், மெல்லோட்டம் ஆகியவற்றுடன் ஆரோக்கியமான சமச்சீரான உணவு பெரியவர்களுக்கு பரிந்துரைக்கப்படுகிறது. குறிப்பாக வேகமாக நடந்தால் உடல் எடையும் கட்டுப்பாட்டில் இருக்கும் மேலும் இருதய நோய்கள், மாரடைப்பு வரும் வாய்ப்புகளையும் குறைக்கும்.

அதிக உடல் எடை காரணமாக உடலில் பல ஹார்மோன் மாற்றங்கள் ஏற்படுகின்றன. இது மாதவிலக்கு பிரச்சினைகளுக்கு காரணமாகிறது. இதனால் அதிக உதிரப்போக்கு அல்லது குறைந்த உதிரப்போக்கு, ஒழுங்கற்ற மாத விடாய் போன்ற பிரச்சனைகள் ஏற்படலாம்.

பெண் குழந்தைகள் சிறு வயதிலேயே பூப்படைவதற்கு அதிக உடல் பருமனும் ஒரு முக்கிய காரணமாகும்.

அதிக உடல் எடை, குழந்தையின்மைக்கு முக்கிய காரணங்களில் ஒன்று என்று ஆய்வுகளும் உறுதி செய்துள்ளன.

உடல் எடை கூட சில காரணங்கள்

உடலுழைப்பு இல்லாமை.

பரம்பரை காரணம்.

தைராய்டு நோய் காரணமாக ஹார்மோன் அளவுகளில் சமநிலை தவறுவது. அல்லது பிற ஹார்மோன் குறைபாடுகள்.

பெண்கள் கர்ப்பத்தடை மாத்திரைகளை தொடர்ந்து உட்கொள்வது.

குழந்தைகளுக்கு தாய்மார்கள் அதிக உணவை ஊட்டிக் கொண்டே இருப்பது.

புகைத்தல் மற்றும் மதுபானம் அருந்துதல் போன்ற காரணங்களாலும் உடல் குண்டாகிறது

அதிக கொழுப்பு சத்துள்ள பிட்சா, பர்கர், கேக், குளிர்பானங்கள் போன்ற ஜங்க் உணவு வகைகளை சாப்பிடுவது..

தொலைக்காட்சி பார்த்துக் கொண்டிருக்கும்போதும் ஏதாவது நொறுக்கு தீனி சாப்பிட்டுக்கொண்டே இருப்பது.

உணவை வீணாக்கக்கூடாது என்ற எண்ணத்தில் பெண்கள் மீதம் இருப்பதையும் சாப்பிடுவது.

மன அழுத்தம், உடற்பயிற்சி இல்லாமை, உணவுக்கட்டுப்பாடு இல்லாமை. ஓய்வு இல்லாமை, கணினியில் நீண்ட நேரம் வேலை பார்ப்பது.

ஹார்மோன் பிரச்சினைக்கும், அதிக உடல் எடைக்கும், ஆண் பெண் செக்ஸ் வாழ்க்கைக்கும் உள்ள நேரடித் தொடர்பை உறுதிப்படுத்த முடியாது. ஆனால் அதீத உடல் எடை உள்ள இருவரும் முழுமையான செக்ஸ் உறவில் ஈடுபடும்போது உடல்ரீதியாக அவர்களுக்கு பல்வேறு கஷ்டங்கள் ஏற்படலாம். அதனால் தம்பதிகளால் முழுமையான இன்பத்தை அனுபவிக்க முடியாது. உடல் எடையை குறைப்பது மூலம் செக்சை முழுமையாக அனுபவிக்கலாம்.