மாதவிடாய் நிறுத்தம் (மாதவிடாய் நிறுத்தம்: மாதவிடாய் நின்று போதல்) என்பது பெண்களுக்கு இனவிருத்தி செய்யும் திறன் நின்றுவிடுதலைக் குறிக்கிறது. பெண்களுக்கு ஒப்பீட்டளவில் குறுகிய காலத்தில் சூல்கொள்ளுதல் நின்றுவிடுவதும் ஹார்மோன் உற்பத்தி குறைவதும் நிகழ்கிறது.
“ஆண் மாதவிடாய் நிறுத்தம்” அல்லது “ஆண்ட்ரோபாஸ்” என்பது டெஸ்டோஸ்டிரோன் (ஆண் செக்ஸ் ஹார்மோன்) குறைதலைக் குறிப்பதாகும். இந்த வார்த்தை திடீர் டெஸ்டோஸ்டிரோன் இழப்பு அல்லது கருவுறும் தன்மை இழப்புக்கு தவறாக பயன்படுத்தப்படுகிறது. டெஸ்டோஸ்டிரான் அளவு குறைதல் படிப்படியாக நிகழும். வயதான ஆண்களுக்கு (ADAM) ஏற்படும் ஆண்ட்ரோஜன் குறைபாடு (அல்லது வீழ்ச்சி), வயதான ஆண்களுக்கு ஏற்படும் பகுதி ஆண்ட்ரோஜன் குறைபாடு, நோய்க் குறி தாமதமாக-தொடங்கும் இனப்பெருக்க இயக்கக்குறை, டெஸ்டோஸ்டிரோன் குறைப்பாடு நோய் அல்லது ஆண்களுக்கு பாலுணர்வு நிற்கும் காலம் முதலியவை இதனை விவரிக்கப் பயன்படும் பிற சொற்களாகும்.
பல ஆண்டுகளாக டெஸ்டோஸ்டிரோன் உற்பத்தி வீழ்ச்சி அடைவதால் ஏற்படும் விளைவுகள் இன்னும் தெளிவுபடுத்தப் படவில்லை. “ஆண் மாதவிடாய் நிறுத்தம்” அல்லது “ஆண்ட்ரோபாஸ்” என்பது மூப்படைவதால் ஏற்படும் இயல்பான செயலா அல்லது இது சிகிச்சை தேவைப்படும் ஒரு மருத்துவ நிலையா என்பதில் சர்ச்சை உள்ளது. மன அழுத்தம், ஹார்மோன் குறைபாடுகள், ஊட்டச்சத்தின்மை, உடல் பருமன் மற்றும் மருந்து பயன்படுத்துதல் உள்ளிட்டவை வயது தொடர்பான டெஸ்டோஸ்டிரோன் குறைதலில் அதிக முக்கியத்துவம் பெறுவதால் இவை ஆய்வுக்கு சிக்கலாக்கும் காரணிகள் ஆகின்றன. சமீபத்தில் தான், இது தொடர்பான ஆய்வுகள் உத்வேகம் பெற்றுள்ளன.
மருத்துவ ஆய்வாளர்கள் “ஆண் மாத விடாய் நிறுத்தம்” அல்லது “ஆண்ட்ரோபாஸ்” என்ற பதத்தைப் பயன்படுத்துவதற்கு எதிர்ப்பு தெரிவிக்கிறார்கள்.
டெஸ்டோஸ்டிரோன் ஹார்மோன் செயல்பாடுகள்
டெஸ்டோஸ்டிரோன் என்பது ஆண்களுக்கு இரண்டாம் பாலியல் பண்புகள் வளர்ச்சி மற்றும் மேம்பாட்டில் முக்கிய பங்குவகிக்கும் ஒரு முக்கிய ஆண் ஹார்மோன் ஆகும். இது முக்கியமாக விரைகளில் உற்பத்தி ஆகிறது. இது அட்ரீனல் சுரப்பியிலும் கூட சிறிதளவில் உற்பத்தி ஆகிறது.
கருவுறும் காலத்தில், ஆண் இளங்கரு டெஸ்டோஸ்டிரோன் ஹார்மோனை உற்பத்தி செய்வதற்கு துவங்குகிறது. இந்த ஹார்மோன் ஆண் இனப்பெருக்க பாதை வளர்ச்சியை மேம்படுத்துதல் மற்றும் கருவிற்கு ஆண் தன்மை அளித்தல் முதலியவற்றை இயக்குகிறது.
பருவமடைதலில், டெஸ்டோஸ்டிரோன் அந்தரங்க முடி, கை அக்குல்களில் முடி, முகத்தில் முடி மற்றும் ஆழ்ந்த உரத்த குரல் போன்ற இரண்டாம் பாலியல் அம்சங்களின் அபிவிருத்தியில் திடீர் வளர்ச்சி மற்றும் மேம்பாட்டில் முக்கிய பங்குவகிக்கிறது. தசை பருமன் அதிகரித்தல், தோள்கள் பரந்து விரிதல், முகத்தில் தோல் இறுகி முக்கியத்துவம் பெறல் மற்றும் தோலில் எண்ணெய்ப்பசை ஆகத்துவங்குதல் முதலிய மாற்றங்களுடன் உடல் அமைப்பு மாறத்துவங்கும். பின்னர், விதை வளரத்துவங்கும், விந்து உற்பத்தி ஆரம்பிக்கும்.
பெரியவர்களில், டெஸ்டோஸ்டிரோனானது விந்தணு உற்பத்தியை பராமரித்தல், தசை பருமனை பராமரித்தல், இரண்டாம் பாலியல் பண்புகளைப் பராமரித்தல், பாலியல் ஆசையை (ஆண்மை) இயக்குதல், விரைப்புத்தன்மை செயல்பாடு மற்றும் விந்து உற்பத்தியில் உதவல் முதலிய ஹோமியோஸ்டேடிக் செயல்பாடுகளை பராமரிக்கிறது. டெஸ்டோஸ்டிரோன் தசைகள் பருமன் மற்றும் உடல் கொழுப்பு தொகுப்பில் (உடல் கொழுப்பு குறைகிறது) தாக்கம் மற்றும் மெலிந்த பொருத்தமான உடலமைப்பை பராமரிப்பதில் தாக்கம் முதலியவற்றில் முக்கிய பங்காற்றுகிறது.
டெஸ்டோஸ்டிரோன் அளவு ஏன் குறைகிறது?
ஆண்களுக்கு 30 வயதில் இருந்து பொதுவாக ஆண்டுக்கு சுமார் 1-2% வரை டெஸ்டோஸ்டிரோன் அளவு குறைய ஆரம்பிக்கிறது. இது டெஸ்டோஸ்டிரோன் உற்பத்தி செல்களில் வயது சார்ந்த சரிவு ஏற்படுதல் மற்றும் தானாகவே டெஸ்டோஸ்டிரோன் உற்பத்தியில் சிக்கல் ஏற்படுவதன் சாத்தியத்தினால் ஏற்படுவதாகவோ கருதப்படுகிறது.
டெஸ்டோஸ்டிரோன் ஹார்மோன் குறைவதற்கு காரணமான மற்ற காரணிகள் பின்வருமாறு:
கடுமையான தீவிர உடல்நலக்குறைவு அல்லது அறுவை சிகிச்சை காயம் போன்ற காரணங்களால் டெஸ்டோஸ்டிரோன் நிலையற்ற அளவில் தீவிரமாக குறையலாம்.
நீரிழிவு நோய், நாள்பட்ட சிறுநீரக நோய்கள் மற்றும் நாள்பட்ட கல்லீரல் நோய் போன்ற நாள்பட்ட நோய்களின் காரணமாக டெஸ்டோஸ்டிரோன் அளவுகள் குறையலாம்.
தூக்கத்தில் மூச்சுத்திணறல் நோயினால் அவதியுறும் நபர்களுக்கும் டெஸ்டோஸ்டிரோன் அளவுகள் குறையலாம்.
குளுகோகார்டிகாய்டுகள் போன்ற மருந்துகளை நீண்ட காலம் பயன்படுத்தினால் டெஸ்டோஸ்டிரோன் அளவுகள் குறையலாம்.
மது அருந்துதல் வயது சார்ந்த டெஸ்டோஸ்டிரோன் அளவுகள் குறையும் சாத்தியத்தை அதிகரிக்கக் கூடும்.
உண்ணாவிரதம் இருப்பது டெஸ்டோஸ்டிரோன் உற்பத்தியை குறைக்கலாம்.
டெஸ்டோஸ்டிரோன் அளவுகள் குறைவதன் அறிகுறிகள் யாவை?
பொது ஆரோக்கியம், அறிவு திறன், சிறப்பு சார்பு திறன் முதலியவை குறைதல்; சோர்வு, மன அழுத்தம், கோபம் ஏற்படுதல், பாலியல் ஆசை மற்றும் விறைப்புத்தன்மை குறைதல் முதலியவை வயதாவதன் காரணமாக ஆண்களுக்கு ஏற்படுவதாகும். மேலும் தசை பருமன் மற்றும் வலிமை குறைந்துவிடுதல்; உடலின் மையப்பகுதி மற்றும் மேல் பகுதியில் கொழுப்பு அதிகரித்தல்; எலும்புருக்கி நோய்க்கு வழிவகுக்கும் எலும்பு தாது அடர்த்தி குறைதல்; தோல் தடித்தல் மற்றும் உடல் முடி குறைதல் முதலியவையும் கூட ஏற்படும்.
டெஸ்டோஸ்டிரோன் அளவு குறைவாக இருக்கும் போது, சில அறிகுறிகள் இருக்கலாம்.
டெஸ்டோஸ்டிரோன் அளவு குறையும் போது ஏற்படும் சில அறிகுறிகள் பின்வருமாறு:
பாலியல் செயல்பாடு குறைதல். பாலியம் ஆசை குறைதல், குறைவான தன்னிச்சையான விறைப்பு, தூக்கத்தில் தன்னிச்சையான விறைப்பு, முறையற்ற விறைப்பு, மலட்டுத்தன்மை போன்றவை ஏற்படலாம்.
உடல் அமைப்பு மாற்றங்கள். தசை பருமன் மற்றும் ஆற்றல் குறைதல், உடல் கொழுப்பு அதிகரித்தல், எலும்பு அடர்த்தி குறைதல், வீங்கிய மார்பு (ஜைனகோமாஸ்டியா), உடல் முடி குறைதல் போன்றவை ஏற்படலாம்.
தூக்க தொந்தரவுகள். இன்சோம்னியா (தூங்குவதில் சிரமம்) அல்லது மிகையான தூக்கம் ஏற்படலாம்.
உளவியல் மாற்றங்கள். பொதுவான உற்சாகம் குறைதல், ஊசலாடும் மனநிலை, எரிச்சல், கவனக்குறைவு, ஞாபக மறதி போன்றவை ஏற்படலாம்.
இந்த அறிகுறிகள் மற்ற நிலைகளின் காரணமாகவும் ஏற்படலாம். எனவே டெஸ்டோஸ்டிரோன் அளவு குறைதலை இரத்தப் பரிசோதனையினால் மட்டுமே கண்டறிய முடியும். உங்களுக்கு டெஸ்டோஸ்டிரோன் அளவு குறைந்திருந்தால் நீங்கள் நாளமில்லாச் சுரப்பு சிறப்பு மருத்துவரை சந்திக்க பரிந்துரைக்கப்படலாம்.
சமாளித்தல்
உங்களுக்கு டெஸ்டோஸ்டிரோன் குறைபாடு இருப்பதாக உங்களது இரத்தப்பரிசோதனையில் தெரிந்தால், ஹார்மோன் குறைபாட்டை சரிசெய்ய டெஸ்டோஸ்டிரோன் மாற்றத்திற்கு நீங்கள் பரிந்துரைக்கப்படலாம். இதனால் சில ஆண்களுக்கு அறிகுறிகளில் இருந்து நிவாரணம் கிடைக்கும். இதன் சிகிச்சை பின்வரும் வடிவங்களில் இருக்கலாம்:
மாத்திரைகள்
ஊசிகள்
பேட்சுகள் (தோலில் ஒட்டி பயன்படுத்தும் வகையிலானது)
செயற்கை உறுப்பு மாற்றம்
ஜெல் பயன்படுத்துதல்
வயது சார்ந்த டெஸ்டோஸ்டிரோன் குறைதலுக்கு உறுப்பு மாற்ற சிகிச்சை மேற்கொள்ளப்படுவதில் சில சர்ச்சைகள் நீடிக்கின்றன. இதனால் சிலருக்கு நன்மை ஏற்பட்டாலும், புரோஸ்டேட் புற்றுநோய், மாரடைப்பு மற்றும் மற்ற சுகாதார பிரச்சினைகள் அதிகரிக்க டெஸ்டோஸ்டிரோன் காரணமாகலாம். உங்கள் மருத்துவரிடம் டெஸ்டோஸ்டிரோன் சிகிச்சையின் அபாயங்கள் மற்றும் பலன்களை ஆலோசிக்கவும்.
