உலகத்தில் பிறந்த எல்லாரும் விரும்புவது அன்பான காதல் துணையைத் தான். நல்ல துணை கிடைப்பதெல்லாம் இறைவன் கொடுத்த வரம் என்பார்கள். அந்த மாதிரியான ஒரு காதல் வாழ்க்கையை அமைக்க சாதகமான சூழலும் மிகவும் முக்கியம். வாஸ்து சாஸ்திரம் இந்தியாவில் புகழ் பெற்று விளங்கும் ஒரு அறிவியல்.
இந்த வாஸ்து முறைப்படி வீட்டின் அமைப்பை மாற்றி செல்வத்தை மட்டுமல்ல உங்கள் காதல் வாழ்க்கையில் சந்தோஷங்களை கூட நீங்கள் அள்ளிச் செல்ல இயலும். ஆமாங்க இந்த வாஸ்து முறைகள் உங்கள் காதல் வாழ்க்கையை சுவாரஸ்யமாக மாற்றப் போகிறது. உங்களுக்கும் உங்கள் துணைக்கும் இடையேயான பந்தத்தை நெருக்கமாக்க போகிறது.
படுக்கையறை சுவரின் நிறம் படுக்கையறையை இருட்டில் விடக்கூடாது. இருண்ட நிறங்களில் சுவருக்கு பெயிண்ட் அடிப்பதை தவிர்க்க வேண்டும். சதுர அல்லது செவ்வக வடிவ படுக்கையை பயன்படுத்த வேண்டும். ஒரு மெத்தை மட்டும் பயன்படுத்தவும். கதவுகளுக்கு இடையில் படுக்கையை அமைத்தல் கூடாது.
அமைப்பு வாஸ்துப்படி உங்கள் படுக்கையறை தென்மேற்கு திசையில் இருக்க வேண்டும். நீங்கள் தெற்கே தலை வைத்து தூங்குகிற மாதிரி படுக்க வேண்டும்.
கண்ணாடி படுக்கைக்கு எதிராக கண்ணாடி இருப்பது தாம்பத்ய வாழ்க்கையை பாதிக்கும். அழகான படிக கற்களை கொண்டு படுக்கையறையை அலங்கரிக்கும் போது அவை வெளிச்சத்தை ஈர்த்து உங்கள் திருமண வாழ்க்கையும் பிரகாசமாக்கும்.
பாத்ரூம் படுக்கையறையில் பாத்ரூம் அதன் கதவு மூடப்பட்டு இருக்க வேண்டும்.பயன்படுத்தாத சமயங்களில் கழிப்பறை இருக்கை அமைப்பும் மூடப்பட்டு இருக்க வேண்டும்.
புகைப்படம் கிழக்கு சுவரில் திருமண புகைப்படத்தை மாட்டி வைக்கும் போது வேலை சம்பந்தமான விஷயங்களை மறந்து துணையுடன் சந்தோஷமாக இருப்பீர்கள்.
