என்வயது 25. நான் பிறந்தது முதல் என் ஆணுறுப்பு மிகவும் வளைந்து சிறியதாகக் காணப்படுகிறது. நான் வேண்டாம் என்று சொல்லியும் எனக்கு பெண் பார்த்து விட்டார்கள். திருமணத்துக்கு இன்னும் நான்கு மாதங்கள்தான் உள்ளது. நான்கு மாதங்களுக்குள் இப்பிரச்சனையைச் சரிசெய்ய முடியுமா?
ஆணுறுப்பு சிறிது வளைந்து காணப்படுவது இயற்கையானதுதான். அது பற்றி கவலைப்பட வேண்டாம். ’பைரோனி’ என்றொரு நோயிண்டு. இந்த நோயால் பாதிக்கப்பட்டவர்களின் ஆணுறுப்பு சிறியதாகவும், மிகவும் வளைந்தும் காணப்படும்.
உங்களது ஆணுறுப்பு இயல்பான நிலையில் இருக்கிறதா அல்லது நோயினால் பாதிக்கப்பட்டிருக்கிறதா என்பதை டாக்டரிடம் நேரில் சென்று ஆலோசனைபெறுவது நலம்.’பைரோனி’நோயால்தான் பிரச்சனை ஏற்பட்டிருக்கிறது எனில்,அறுவைச் சிகிச்சை மூலம் அதைக் குணப்படுத்தலாம்.
எனக்கு வயது 22.எனது விரைப்பையில் ஒன்று சிறிதாகவும், மற்றொன்று பெரிதாகவும் உள்ளது. என் ஆணுறுப்பும் சிறிதாக உள்ளது. இதைக் குணப்படுத்த முடியுமா?
விரைப்பையில் ஒன்று மேலாகவும்,மற்றொன்று கீழாகவும் இருப்பதும்,ஒன்று சிறிதாகவும் மற்றொன்று பெரியதாகவும் இருப்பது இயற்கையானதுதான். விரைப்பைகளுக்கு இடையே உள்ள வேறுபாடு மிக அதிகமாக இருந்தால் மருத்துவரை அணுகி பரிசோதனை செய்து கொள்ள வேண்டும். ஏனெனில் விரைப்பையில் ஒன்று வளர்ச்சியடையாமல் இருக்கலாம்.
உலகில் உள்ள பெரும்பாலான ஆண்களின் குறைபாடு, ஆணுறுப்பு சிறிதாக உள்ளது என்பதுதான். உங்களின் ஆணுறுப்பின் நீளம் இரண்டு அங்குலத்துக்கும் குறைவாக இருந்தால் நீங்கள் மருத்துவச் சிகிச்சை பெற வேண்டும்.
பெண்களுக்கான செக்ஸ் உணர்ச்சி மிகுந்த இடம் கிளிட்டோரிஸ் என்கிறார்கள். இது உண்மையா? அது உடம்பில் எங்கு உள்ளது? கண்ண்க்குத் தெரியுமா? இது எல்லாப் பெண்களுக்கும் இருக்குமா? பெண்களுக்கு உண்ர்ச்சியைத் தூண்ட கிளிட்டோரிஸை என்ன செய்ய வேண்டும்?
நீங்கள் கேள்வி பட்டது உண்மைதான். ஆண்களுக்கு,ஆணுறுப்பு செக்ஸ் உணர்ச்சி மிகுந்த இடம் எனில் பெண்களுக்கு கிளிட்டோரிஸ்.இதைத் தூண்டுவதன் மூலம் பெண் உச்சக்கட்ட இன்பத்தை அடைய முடியும். பெண் உறுப்பின் மேற்பகுதியில் இதழ்களுக்கிடையே கிளிட்டோரிஸ் உள்ளது.நல்ல வெளிச்சத்தில் உங்கள் மனைவியை ஆராய்ந்து பாருங்கள். கண்டறியலாம்.எல்லாப் பெண்களுக்கும் இது இருக்கும். உணர்ச்சியை ஏற்படுத்த கிளிட்டோரிஸை கை விரல்களினாலும், நாக்கினாலும் தூண்டலாம்.
என்னுடைய வயது 23. எனது குறியின் மேல்தோல் இன்று வை விலகவில்லை. என்னுடைய மொட்டுப் பகுதியை நான் இதுவரை பார்த்தது இல்லை. என நண்பர்கள் மேல்தோல் விலகாவிட்டால் பாலுறவில் சுகம் பெற இயலாது என்கிறார்கள். முழுமையான உடலுறவு சுகம் பெற மேல்தோல் விலகியிருக்க வேண்டுமா?சுன்னத் செய்துகொள்வது பாலுறவுக்கு நல்லதா?
மேல்தோல் விலகியிந்தால்பல நன்மைகள் உண்டு.எளிதாக சுத்தம் செய்யலாம். வாய்வழிப் புணர்ச்சியில் ஈடுபடும் போது துர்நாற்றம் இல்லாமலிருக்கும். பல தொற்று நோயிகளிலிருந்தும் தற்காத்துக் கொள்ளலாம். அறுவைசிகிச்சை செய்து கொண்டோருக்கு ஆணுறுப்பில் புற்று நோய் ஏற்படுவதற்கான வாய்ப்பு குறைவு.
மிகவும் இருக்கமாக தோல் மூடியிருந்தால் சிறுநீர்ப்பாதை அடைபட்டு, அதன் விளைவாக ஆண்களுக்கு சிறுநீர்ப்பாதையில் நோய் உண்டாக வாய்ப்பிருக்கிறது. எனவே, அறுவைச் சிகிச்சை செய்து கொள்வது நல்லது. சுன்னத் செய்துகொள்வதால்தான் பாலுறவு சிறப்பாக இருக்கும் என்று கூற முடியாது. ஆனால், மேற்கண்ட காரணங்களுக்காக ஒருவர் சுன்னத் செய்து கொள்ள விரும்பினால், மருத்துவரின் உதவியோடு அவர் தன் விருப்பத்தை நிறை வேற்றிக் கொள்ளலாம்.
ஆணுறுப்பைச் சுற்றிலும் முடியிருப்பதால் நன்மையா? அக்குள் பகுதியில் முடியிருப்பது நல்லதென சிலர் கூறுகிறார்கள்.முக்கியமாக செக்ஸ் இன்பத்துக்கு இது நல்லது என்கிறார்கள். இது உண்மையா?
ஆண்களுக்கு மீசை, தாடி, ஆணுறுப்பைச் சுற்றியுள்ள பகுதி மற்றும் அக்குள் ஆகிய இடங்களில் முடி நன்றாக வளர்வதை முழுமையான ஆண்மைக்கான அடையாளமாக எடுத்துக் கொள்ளுங்கள்.
ஆனால்,ஆணுறுப்பைச் சுற்றிலும் மற்றும் அக்குள் அருகிளும் உள்ள முடியை எடுத்துவிடுவதால், உடலில் நாற்றமில்லாமல் இருக்கும்.சில நோய்களைத்தடுக்கவும் முடியும்.
