செக்ஸ் கல்வியை எவ்வளவு சீக்கிரம் கொண்டு வர முடியுமோ, அந்த அளவுக்கு சமுதாயத்திற்கு நல்லது போல. காரணம், இந்திய சிறார்கள், மிக மிக இளம் வயதிலேயே செக்ஸுக்கு ஆட்பட்டு விடுகிறார்கள் என்று ஒரு சர்வே கூறுகிறது.
பாதுகாப்பற்ற செக்ஸை பல சிறார்கள் மேற்கொள்வதால் செக்ஸ் தொடர்பான நோய்களும் இவர்களை அதிக அளவில் தாக்க ஆரம்பிப்பதாகவும் சர்வே முடிவு கூறுகிறது.
நாடு முழுவதும் 20 நகரங்களில் 13 முதல் 19 வயதுக்குட்பட்ட 15,000 சிறுமிகளிடம் இதுதொடர்பாக சர்வே எடுக்கப்பட்டுள்ளது.
இதில் கிடைத்துள்ள தகவல்கள் அதிர வைப்பதாக உள்ளன. சிறார்கள் முதல் செக்ஸ் தொடர்பை வைத்துக் கொள்ளும் சராசரி வயது சிறுமிகளுக்கு 14 ஆகவும் உள்ளது. அதாவது சராசரியாக 14 வயதிலேயே செக்ஸ் தொடர்பை சந்திக்கும் நிலை உள்ளது
பெரும்பாலான சிறார்களுக்கு பாதுகாப்பான செக்ஸ் குறித்துத் தெரிவதில்லை.
இதனால் அவர்களுக்கு எச்ஐவி உள்ளிட்டவை தாக்கும் அபாயமும் அதிகரித்து வருகிறது. மிகவும் சிறிய வயதிலேயே இதுபோன்ற செக்ஸ் நோய்கள் அவர்களைத் தாக்குவதும் அதிகரித்துள்ளதாக இந்த கருத்துக் கணிப்பை நடத்தியவர் கூறுகிறார்.
கருத்துகணிப்பின்போது சந்தித்த சிறுமிகளில் 1.3 சதவீதம் பேர் ஒருமுறை செக்ஸ் வைத்துக் கொண்டதாக தெரிவித்தனர்.
பொதுவாக 15 முதல் 24 வயதுக்குள் ஆண்களும், பெண்களும் திருமணத்திற்கு முன்பே செக்ஸ் வைத்துக் கொண்டதாக பரவலாக கூறியுள்ளனர். இது ஆண்களிடம் 15 முதல் 22 சதவீதமாகவும், பெண்களில் 1 முதல் 6 சதவீதமாக உள்ளது.
இந்தியாவில் இளம் தலைமுறையினர் மத்தியில் செக்ஸ் நோய்கள் பரவுகிறது.
