இந்தியாவில் பத்தில் எட்டு பெண்களுக்கு மார்பகம் தொடர்பான பிரச்சினைகள்
உண்டு. அதாவது மார்பகங்கள் தொய்வடைந்து போதல், சரியான ஷேப்பில் இல்லாதது
என ஆளாளுக்கு ஓர் கவலை.
எல்லாவற்றுக்கும் அடிப்படை அவர்கள் அணிகிற மிகத் தவறான பிரா என்கிறது
ஒரு ஆராய்ச்சி.
ஆயிரக் கணக்கில்கொட்டிக் கொடுத்து சுடிதாரும், சேலையுமாக வாங்கும்
பெண்கள் பலருக்கு, பிராவுக்குப் போய் நிறைய செலவு பண்ணுவானேன் என்கிற
நினைப்பு. விளைவு மேற் சொன்ன பிரச்சினைகள்.
சரியான பிரா என்பது உங்கள் மார்பகங்களில் கச்சிதமாகப் பொருந்த வேண்டும்.
மார்பகச் சதைகள், மேலேயோ, பக்க வாட்டிலோ வழியவோ, பிதுங்கவோ கூடாது.
பிராவின் அடிப்பட்டைகள் மிகச்சரியாக மார்பகங்களுக்கு அடியில் நிற்க
வேண்டும். அகலமான பட்டைகள் வைத்த பிரா சிறந்தது. பிரா அணிகிற போது அதன்
பட்டைகள் தோள்பட்டையில் பதிந்து, கோடு கோடாக தெரிய வைக்கக் கூடாது.
கண்கள் அழகாக, உதடுகள் அழகாக, கன்னங்கள் பளபளக்க என பார்த்துப் பார்த்து
சாப்பிடுகிறோம். மார்பக அழகுக்கும் உணவு உண்டு தெரியுமா?
தினசரி உணவில் கேரட், கீரை, சோயா பீன்ஸ், ஆலிவ் ஆயில் சேர்த்துக்
கொள்கிறவர்களுக்கு மார்பக அழகு கியாரண்டியாம். மார்பகப் புற்று நோயும்
இதனால் தவிர்க்கப் படுமாம்.
நீங்கள் இளமைக்குக் குட்பை சொல்லப் போகிறீர்கள் என்பதன் ஆரம்ப அறிகுறி
எங்கே தெரியும் என்று அறிவீர்களா? கழுத்து மற்றும் மார்பகங்களில் தான்.
அவற்றைச் சுற்றியுள்ள தசைகள் ரொம்பவும் மென்மையானவை. எளிதில்
சுருக்கங்கள் விழக்கூடியவை. தவிர்க்க என்ன செய்யலாம்? முகத்துக்கு
தினமும் செய்கிற கிளென்சிங், டோனிங் மற்றும் மாயிச்சரைசிங்கை
மார்பகங்களுக்கும் செய்ய வேண்டும்.
அதாவது முதலில் கிளென்சிங் மில்க்கில் பஞ்சை நனைத்து மார்பகங்களைத்
துடைத்து எடுக்க வேண்டும். அதன் மேல் டோனரில் நனைத்த பஞ்சை ஒற்றி எடுக்க
வேண்டும். சில நிமிடங்கள் கழித்து மாயிச்சரைசர் தடவிக் கொள்ள வேண்டும்.
வாரம் இரண்டு அல்லது மூன்று முறைகள் நீங்கள் உங்கள் மார்பகங்களுக்கான
அழகு சிகிச்சையை மேற்கொள்ள வேண்டியதும் முக்கியம். அதாவது ஓட்மீல் அல்லது
கோதுமைத் தவிடு கொண்டு மார்பகங்களைச் சுற்றியுள்ள பகுதிகளில் மிக மிக
மென்மையாகத் தேய்த்துத் தடவிக் கழுவ வேண்டும்.
மார்பகங்கள் தொய்வடைந்து காணப்பட்டால் வேப்பிலை மற்றும் கேரட் விழுது
கலந்து பேக் மாதிரிப் போடலாம். முதலில் பாதாம் கலந்த கிரிமால் மார்பக
ஏரியாவை நன்றாக கீழிருந்து மேலாக வட்ட வடிவத்தில் மசாஜ் செய்து விட்டு,
அதன் பிறகு இந்தப் பேக்கைப் போடவும். ஒரு முறை போட்டதுமே பலனை
எதிர்பார்க்காதீர்கள். தொடர்ந்து பல முறைகள் முயற்சித்தால் பலன்
நிச்சயம்.
மாதுளம் பழத்தின் தோலைக் காய வைத்தப் பொடித்துக் கொள்ளவும். அத்துடன்
கடுகெண்ணெய் கலந்து மார்பகங்களில் தடவி சிறிது நேரம் ஊறிக் குளித்து
வந்தாலும் மார்பகங்கள் நல்ல வடிவமும், அழகும் பெறும். வயதுக்கேற்ற மார்பக
வளர்ச்சி இல்லாத டீன் ஏஜ் பெண்களுக்கு இந்த சிகிச்சை நல்ல பலன்
தருகிறதாம்.
மார்பகங்களுக்கான பயிற்சிகள்:-
சுவற்றின் முன்னால் நின்று கொள்ளவும். உள்ளங்கைகள் சுவற்றில் பதியும்படி
நிற்கவும். உடலை, இடுப்பை நகர்த்தாமல், உங்கள் மார்பகப் பகுதி மட்டும்
முன்னும், பின்னுமாகப் போய் வரும்படி செய்யவும்.
கால்களை அகட்டி, கைகள் இரண்டையும் பின் பக்கம் கட்டிக் கொண்டு, அதே
நிலையில் பத்து எண்ணியபடி நிற்கவும். இதே மாதிரி நான்கு முறைகள்
செய்யவும்.
இது மார்பகங்கள் தொய்வடைந்து போன பெண்கள் மற்றும் தாய்ப்பால் ஊட்டும் பெண்களுக்கு.
நேராக நின்று கொண்டு, கைகளைத் தலைக்கு மேல் தூக்கி, இரண்டு
உள்ளங்கைகளையும் சேர்க்கவும். அதை அப்படியே இறக்கி, தோள்பட்டைகளுக்கு
நேரே வைத்துக் கொண்டு வணக்கம் சொல்கிற மாதிரி வைத்துக் கொள்ளவும்.
உள்ளங்கைகள் இரண்டும் அழுந்த வேண்டும். பத்து எண்ணியபடி அதே நிலையில்
இருக்கவும். எப்போதெல்லாம் முடியுமோ, அப்போதெல்லாம் இதைச் செய்யலாம்.
