உச்சம் என்பதை ஆங்கிலத்தில் ஆர்கசம் என்று சொல்வார்கள். ஆனால் யாராவது வீகசம் என்ற வார்த்தையைக் கேள்விப்பட்டிருக்கிறீர்களா? இது ஆண், பெண் இருவருக்குமான உறவு நிலைகளில் புதிதாக கையாளப்படுகிற வார்த்தையாக இருக்கிறது. அது என்ன என்று நீங்கள் தெரிந்து கொள்ள வேண்டாமா?
உடலுறவின்போது ஆண், பெண் இருவரும் எல்லா நேரத்திலும் உச்சமடைவதில்லை. ஆண் உச்சத்தை எட்டினால் பெண் உச்சம் எட்டமுடியாமல் போவதுமுண்டு. அதுபோலல்லாமல் இருவரும் இணைந்து உறவில் உச்சத்தை எட்டுவது தான் வீகசம் என்று அழைக்கப்படுகிறது.
wegasms = we + orgasm என்பதே அதன் பொருள். அதாவது இருவரும் தொடர்ச்சியாகவோ அல்லது ஒரே நேரத்திலோ உச்சத்தை எட்டுவது. அது எப்படி சாத்தியம். அவ்வாறு உங்களால் உச்சத்தை அடைய முடியாமல் போவதற்கான காரணம் தான் என்ன என்று தெரிந்து கொண்டு செயல்படுங்கள்.
இந்த வீகசம் என்ற நிலையை அடைவது மிகக் கடினமான ஒன்று தான். ஆனால் ஆண், பெண் இருவரும் ஒருசேர மனது வைத்தால் இது சாத்தியம். ஏனென்றால் ஆணைவிடவும் பெண் உச்சமடைய வெகுநேரம் ஆகிறது.
பெண் உச்சமடைதலைத் தள்ளிப்போட முடியும். ஆனால் இரண்டு மூன்று நிமிடங்களிலேயே பெரும்பாலான ஆண்கள் உச்சத்தை எட்டிவிடுகிறார்கள்.
பெரும்பாலான ஜோடிகள் இந்த வீகசத்தில் தோல்வியையே தழுவுகிறார்கள். ஏனென்றால் சில பெண்கள் மட்டுமே தொடர்ந்து எல்லா முறையும் உச்சத்தை எட்டுகிறார்கள். பெரும்பாலான பெண்கள் உச்சம் வந்துவிட்டதைப் போல நடிக்கவே செய்கிறார்கள் என்கின்றன ஆய்வுகள்.
ஆனால் இருவரும் ஒரே சமயம் உச்சத்தை அடைய வேண்டுமென்றால் இருவருடைய உறவும் வலிமையானதாகவும், படுக்கையில் மட்டுமல்லாது அதற்கு வெளியேயும் நெருக்கமானதாக இருக்க வேண்டும்.
உங்களுக்குத் தெரியுமா ஆண்கள் 5 முதல் 13 விநாடிகள் வரையிலும் தங்களுடைய உச்சத்தை அனுபவிக்கிறார்கள். ஆனால் அதிலும் பெண்கள் தான் முன்னணியில் இருக்கிறார்கள்.
பெண்கள் 12 முதல் 30 விநாடிகள் வரை தங்களுடைய உச்சத்தை அனுபவிக்கிறார்கள். அதனால் இருவரும் உறவு கொள்ளும்போது ஒருவித புரிதலுடன் நெருக்கமாக இருக்கும்போது, வேறு எதிலும் மனதை செலுத்தாமல் ஆண், பெண்ணின் உச்சத்தையும் பெண் ஆணின் உச்சத்தையும் பற்றி சிந்தித்து உறவில் ஈடுபட்டால் இருவரும் ஒரே நேரத்தில் உச்சத்தைத் தொடுவது சாத்தியமான ஒன்று தான்
