நிறைய ஆண்களுக்கு கர்ப்ப காலம் பற்றி தெரியாது. உங்களது கேள்விகள் மற்றும் சந்தேகங்களை நிவர்த்தி செய்து கொள்ள பிரசவம் சம்மந்தப்பட்ட புத்தகங்களை படியுங்கள். இதில் நீங்கள் அறியாத பல விஷயங்கள் இருக்கும்.
உங்கள் மனைவிக்கு எந்த நேரத்திலும் ஏதேனும் வலி அல்லது தேவைகள் ஏற்படலாம். பிரசவ காலத்தை நெருங்கும் பெண்களுக்கு எந்த நேரத்திலும் பிரசவ வலி உண்டாகலாம். எனவே அருகில் இல்லாவிட்டாலும் கூட போனிலாவது தொடர்பு கொள்ளும் படி இருக்க வேண்டியது அவசியம்.
மருத்துவர் பரிசோதனைகளுக்காக வர சொன்ன தேதியில் சொன்ன நேரத்தில் உங்கள் மனைவியை மருத்துவமனைக்கு அழைத்து செல்ல வேண்டியது அவசியம். உங்களது சந்தேகங்களை மருத்துவரிடம் கேட்டு விடை பெறுங்கள்.
ஷாப்பிங் செல்வது என்றால் பெண்களுக்கு மிகவும் பிடிக்கும். உங்கள் மனைவியை ஷாப்பிங் அழைத்து சென்று அவருக்கு கர்ப்ப காலத்தில் வசதியாக இருக்க கூடிய ஆடைகளை வாங்கி கொடுங்கள்.
கர்ப்ப காலத்தில் ஒரு பெண் மகிழ்ச்சியாக இருக்க வேண்டியது அவசியம். எனவே அவர் என்னென்ன விரும்புகிறாரோ அதை எல்லாம் செய்யுங்கள். பிடித்த இடம், அம்மா வீடு என்று அழைத்து என்று மனைவியை மகிழ்ச்சிப்படுத்துங்கள்.
உங்கள் மனைவியின் கர்ப்ப காலம் தொடங்கி என்னென்ன மாற்றங்கள், வலிகள், மன மாற்றங்கள், மகிழ்ச்சிகள் அந்த பத்து மாதத்தில் ஏற்பட்டது என ஒரு புத்தகமாக எழுதி, குழந்தை பிறந்த உடன் உங்கள் மனைவிக்கு பரிசளியுங்கள். அது அவருக்கு மகிழ்ச்சியாக இருக்கும்.
