சருமம் முதுமையடைதல் என்றால் என்ன?

ஒவ்வொரு தனி மனிதனுக்கும் தங்களின் அழகைப் பற்றிய உணர்வும், எப்போதும் பார்க்க இளமையாக இருக்க வேண்டும் என்ற எண்ணமும் இருக்கும். எனினும் வயது முதிர்தல் ஒரு இயற்கை செயல்முறை என்பதால் அதை உங்களால் தவிர்க்க முடியாது என்பதுதான் கசப்பான உண்மை. வயது முதிர்தலின் ஆரம்ப அறிகுறிகளான சுருக்கங்கள், புள்ளிகள், வறட்சி, நிறமாற்றம் மற்றும் நய அமைப்பு இழப்பு ஆகியவை முதலில் முகத்தில் தோன்றும், பின்னர் கைகளில் தோன்றும். சந்தையில் உள்ள பொருத்தமான தோல் பராமரிப்பு பொருட்களைத் தேர்ந்தெடுப்பதில் அதிக அளவிலான பணம் மற்றும் நேரம் செலவிடப்படுகிறது. அந்த பொருட்கள் பெரும்பாலும் நீங்கள் எதிர்பார்த்த வகையில் வேலை செய்யாமல் போகலாம். அது ஏனெனில், தோல் முதிர்வடைதலின் உடலியல் மாற்றங்கள் பற்றி நீங்கள் முழுமையாக அறியாமல் இருக்கலாம். வயது முதிர்தலின் காரணங்கள் மற்றும் செயல்படுமுறைகளை ஆழமாக புரிந்துகொள்ளுதல் உங்கள் தோலை பார்த்துக்கொள்வதற்கும், சந்தையில் உள்ள வயது முதிர்தலைத் தடுக்கும் தோல் பாரமரிப்பு பொருட்களை தேடுவதற்கும் உதவும்.

வயது முதிர்தலின் காரணமாக தோலில் ஏற்படும் மாற்றங்கள் (Changes occurring in the skin due to ageing):

தோலானது வெளியடுக்கு (மேற்புறத்தோல்), நடுத்தர பகுதி (உட்தோல்) மற்றும் அடியடுக்கு (தோலின் அடி அடுக்கு) ஆகிய மூன்று அடுக்குகளைக் கொண்டு உருவாக்கப்படுகிறது. வயது முதிர்தலானது வறட்சி (சரும மெழுகு சுரப்பியிலிருந்து சுரக்கும் எண்ணெய் சுரப்பியின் அளவு குறைவதன் காரணமாக), சுருக்கங்கள் (தோலிற்கு நெகிழ்வு தன்மையை வழங்கக்கூடிய நார்ப்பொருளான கொலாஜன் மற்றும் எலாஸ்டின் இழப்பு காரணமாக) மற்றும் வயது முதிர்வால் ஏற்படும் புள்ளிகள் அல்லது லிவர் ஸ்பாட்ஸ் (நீண்ட நேரம் சூரியஒளி படும்படி இருப்பதன் காரணமாக) ஆகிய வடிவில் தோலின் அனைத்து பகுதியிலும் மாற்றங்களை ஏற்படுத்துகிறது. கூடுதலாக கண் இமைகள், கழுத்து மற்றும் மார்பு ஆகிய இடங்களில் சரும உபாதைகள் எனப்படும் சில சிறிய மாற்றங்கள் ஏற்படலாம். சரும உபாதைகள் ஆண்களை ஒப்பிடும்போது பெண்களுக்கு அதிக அளவில் உள்ளது.

தோல் வயதாவதற்கு முன்னணி காரணிகள் (Factors leading to ageing of the skin): 

பல்வேறு வாழ்க்கைமுறை காரணிகளால் தோல் முதிர்வடைதல் சீக்கிரமாகவே தோன்றிவிடுகிறது. அந்த காரணிகளில் சில பின்வருமாறு:

மோசமான ஊட்டச்சத்து (உணவில் வைட்டமின் A, C, E, β-கரோட்டின் மற்றும் லைகோபீன், பல இரட்டைப்பிணைப்புக் கொழுப்பு அமிலங்கள் (PUFAs) ஆகியவற்றின் குறைபாடு).
மன அழுத்தம் (நீண்ட கால மன அழுத்தம், வயது முதிர்தலுக்கான செல்கள் சீக்கிரமாக உருவாக வழிவகுக்கும்).
புகைப்பிடித்தல் ( சிகரெட்டில் உள்ள இரசாயனங்கள் தோலில் உள்ள நார்ப்பொருளான கொலாஜன் மற்றும் எலாஸ்டினை சேதப்படுத்தும் மற்றும் புகைப்பிடிக்கும்போது உண்டாகும் முக அசைவுகள் சுருக்கங்கள் ஏற்பட வழிவகுக்கும்).
UV கதிர்வீச்சு மற்றும் காற்று மாசுபாடு (நீண்ட நேரம் சூரிய ஒளியில் இருத்தல் மற்றும் காற்று மாசுபடுத்திகள் நார்ப்பொருள்களையும் (கொலாஜன் மற்றும் எலாஸ்டின்) தோல் செல்களையும் (மெலனோசைட்டுகள்) சேதப்படுத்துகின்றன.
இந்த காரணிகள் நமது கவனக்குறைவின் காரணமாக ஏற்படுகின்றன, தகுந்த முன்னெச்சரிக்கை நடவடிக்கைகளை எடுப்பதன் மூலம் இவற்றைத் தவிர்க்கலாம்.

வயது முதிர்தலின் இயற்கையான, தவிர்க்க முடியாத மற்றும் நம் கட்டுப்பாட்டை மீறிய காரணிகள் சில பின்வருமாறு:

உள்ளார்ந்த தோல் வயதாவதற்கு (மரபணுக்கள் வேகம் மற்றும் தனிநபர்கள் தோல் வயதாவதற்கு தீவிரத்தை முடிவு).
மாதவிடாய் நிறுத்தம் (ஈஸ்ட்ரோஜன் நிலை குறைதல் சரும மெழுகு சுரப்பியிலிருந்து சுரக்கும் எண்ணெய் சுரப்பியின் அளவு குறைவதற்கு வழிவகுக்கும், மேலும் தோலை பொலிவிழக்கச் செய்யும்).
இருப்பினும், இயற்கையாகவே கொலாஜனை உற்பத்தி செய்ய வைட்டமின் A நிறைந்த உணவை உட்கொள்வதன் மூலம் தோலை எளிதாக பாரமரித்துக்கொள்ளலாம்.

இவை அனைத்தையும் கடந்து, வயது முதிர்தல் என்பது அனைவருக்கும் ஏற்படக்கூடிய தவிர்க்க முடியாத நிகழ்வாகும். ஆனால் ஆரோக்கியமான வாழ்க்கைமுறை மற்றும் வயது முதிர்தலைத் தடுக்கும் தோல் பாரமரிப்பு பொருட்கள் ஆகிய இரண்டின் கூட்டுச்செயலானது ஒரு குறிப்பிட்ட அளவிற்கு உங்கள் இளமையை தக்கவைத்துக்கொள்ள உதவியாக இருக்கும்.