உள்ளே அணிகிற ஆடை தானே என மட்டரகத் துணிகளை வாங்காதீர்கள். உடம்போடு நேரடித் தொடர்புடையது என்பதால் உள்ளாடைக்குத் தான் அதிக முக்கியத்துவம் அவசியம்.
உங்களின் பிரா அளவு தெரியவில்லையா? உங்களை மாதிரியே உடல் அளவுள்ள பெண்ணின் அளவுதான் உங்களுக்கும் என நினைத்து அதை வாங்காதீர்கள். மார்பக அளவு என்பது ஆளுக்கு ஆள் வேறுபடும்.
அழகுக்காக பிரா வாங்காதீர்கள். உங்கள் மார்பக ஷேப்பை அது சரியாகக் காட்ட வேண்டும். சரியான பிரா என்பது உங்கள் மார்பகம் முழுவதையும் கவர் செய்ய வேண்டும். கைகளுக்கிடையில் சதை தெரியாமல் இருக்க வேண்டியது முக்கியம். அப்படியில்லாத பட்சத்தில் கைகளுக்கிடையே வழிகிற சதையானது, கைகளுடன் உரசி, மசாஜ் செய்த மாதிரி ஆகி, கைகள் பெருத்துப் போகும்.
பிரா அணியாமலிருப்பதை பேஷன் என சில இளம் பெண்கள் அதைத் தவிர்ப்பதுண்டு. மார்பகங்கள் தொய்வடைய வயது எப்படி ஒரு காரணமோ, அதே மாதிரி புவி ஈர்ப்பு சக்தியும் ஒரு காரணம். அடிக்கடி பிரா அணிவதைத் தவிர்ப்பதன் மூலம் அவை சீக்கிரமே தொய்வடையும் வாய்ப்புகள் அதிகம். குறிப்பாக இரவில் நைட்டி அணிகிற போது பிராவைத் தவிர்க்க வேண்டாம்.
டீன் ஏஜில் அடியெடுத்து வைக்கும் பெண்களுக்கு இப்போது டீன் பிரா எனத் தனியே கிடைக்கின்றன. திடீரென பிரா அணிகிற போது ஏற்படுகிற ஒருவித உறுத்தலை இந்த வகை பிராக்கள் சரி செய்யும்.
சில பெண்கள் மாதவிலக்கு நாட்களில் அணியவென்றே பழைய, கிழிந்து போன பேண்டீஸ்களை வைத்திருப்பார்கள். இது தவறு. நாப்கின் களை வைத்துக் கொள்ளவென்றே இப்போது பிரத்யேக பேண்டீஸ்கள் கிடைக்கின்றன. மாதவிலக்கு நாட்களில் அவற்றை உபயோகிக்கலாம்.
உள்ளாடைகள் பெரும்பாலும் காட்டன் துணிகளில் இருப்பது தான் நல்லது. நைலான் மாதிரியானவை தவிர்க்கப்பட வேண்டும்.
மணப்பெண்களுக்கான பிரத்யேக உள்ளாடைகள் இப்போது பிரபலம். சாட்டின் துணிகளில், லேஸ் செய்யப்பட்ட பிரா மற்றும் பேண்டீஸ்கள் கிடைக்கின்றன. கல்யாணத்துக்குப் புடவை மற்றும் நகை வாங்குகிற மாதிரி இப்போது இவையும் தவிர்க்க முடியாத விஷயங்களாகி வருகின்றன.
